၉၃နှစ်ပြည့်ဗိုလ်ချုပ်မွေးနေ့

ဒီနေ့ .. ကျွန်မတို့မြန်မာလူမျိုးအားလုံး၏ အမျိုးသားခေါင်းဆောင်ကြီး ဗိုလ်ချုပ်အောင်ဆန်းမွေးနေ့ .. ။ ဗိုလ်ချုပ်အကြောင်း စာပေတွေဖတ်ရတိုင်း ၊ ပိုမိုသိရှိရတိုင်း ဗိုလ်ချုပ်ကို ပိုမိုလေးစားခဲ့သည်။ ဗိုလ်ချုပ်အောင်ဆန်း၏ စိတ်ဓါတ်ရဲရင့်ပြတ်သားမှု ၊ ကြိုးစားမှု ၊ လွတ်လပ်ရေးအတွက် ဆောင်ရွက်မှု ၊ ဥာဏ်အမြော်အမြင်ကြီးမားမှု အစရှိသည်တို့မှာ မျိုးဆက်သစ်လူငယ်တိုင်း အတုယုရမည့် အချက်များပင်ဖြစ်သည်။ ထိုခေတ်ထိုအချိန်ခါက ချမှတ်ခဲ့သော ဗိုလ်ချုပ်လမ်းစဉ်များကိုဖတ်ရတိုင်း ဗိုလ်ချုပ်၏တွေးခေါ်မှုကို အတိုင်းထက်အလွန်ပိုမိုလေးစားရသည်။ အခုတော့ .. တာဝန်မကျေသေးသော မျိုးဆက်များ၏တိုက်ပွဲအတွက် ဗိုလ်ချုပ်ဓါတ်ပုံကိုပင် ကြည့်ရမှာ ရှက်မိသည်။ ဗိုလ်ချုပ်အောင်ဆန်းအကြောင်းကို မြန်မာပြည်သူလူထုရင်ထဲမှ ထုတ်ဖယ်ချင်သော နအဖ၏ရည်ရွယ်ချက်ကို အထမမြောက်စေရန် ကျွန်မတို့မျိုးဆက်သစ်လူငယ်အားလုံးက အမြဲတမ်း လက်ဆင့်ကမ်းအမွေပေးသွားရပါမည်။ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ၉၃နှစ်မြောက်မွေးနေ့အမှတ်တရအဖြစ် ဗိုလ်ချုပ်မိန့်ခွန်းအချို့ကို ကောက်နှုတ်ဖော်ပြပေးလိုက်ပါတယ်။ ဗိုလ်ချုပ်အောင်ဆန်းအကြောင်းနှင့်ပတ်သတ်သော ဆောင်းပါးအချို့ကို ကျွန်မဘလော့ခ်မှာ ဖော်ပြပေးခဲ့ဖူးပါတယ်။ မဖတ်ရသေးသူများအတွက် လင့်ခ်ပြန်ချိတ်ပေးလိုက်ပါတယ်။

ငါးမူးတန်းမှာရုပ်ရှင်ကြည့်ခဲ့သော ဗိုလ်ချုပ်အောင်ဆန်း
စာရေးဆရာဖြစ်ချင်သောဗိုလ်ချုပ်အောင်ဆန်း(၁)
စာရေးဆရာဖြစ်ချင်သော ဗိုလ်ချုပ်အောင်ဆန်း(၂)
ကားပျက်၍ခြေလျင်လျှောက်ခဲ့သောဗိုလ်ချုပ်
ဗိုလ်ချုပ်အောင်ဆန်း၏ပင်ကိုယ်သဘာဝစရိုက်

ကျွန်မလိုက်လံရှာဖွေစုဆောင်းထားသည့် ဗိုလ်ချုပ်နှင့်ပတ်သတ်သော အခြားစာအုပ်များကိုလည်း ဒေါင်းလော့ခ်ဆွဲဖတ်ရှုနိုင်ပါတယ်ရှင်။ (Right Click နှိပ်ပြီး ဒေါင်းလော့ခ်ဆွဲယူလျင် ပိုမိုအဆင်ပြေပါလိမ့်မည်။)

ဗိုလ်ချုပ်၏လမ်းညွှန်ချက်(၇)ချက်
အောင်ဆန်း(သို့မဟုတ်)အရိုင်း
ကျွန်တော်တို့မှတ်မိသိရှိသမျှဗိုလ်ချုပ်
နိုင်ငံရေးသမားအောင်ဆန်း
ဗမာ့အောင်ဆန်း(၁)
ဗမာ့အောင်ဆန်း(၂)
ဗမာ့အောင်ဆန်း(၃)
တို့ဗမာအစည်းအရုံးခေတ်က ဗိုလ်ချုပ်အောင်ဆန်း
မှတ်မိသမျှကိုအောင်ဆန်း၏ကျောင်းသားဘ၀

ဖက်ဆစ်တိုက်ဖျက်ရေး ပြည်သူ့ လွတ်လပ်ရေး

၁၉၄၅ ခုနှစ် သြဂုတ်လ စတုတ္ထအကြိမ်မြောက် နိုင်ငံ ခေါင်းဆောင်များ အစည်းအဝေးတွင် မြွက်ကြားသည့် မိန့်ခွန်းမှ ကောက်နုတ်ချက်


“ဖက်ဆစ် ၀ါဒ ကမ္ဘာမှာ ပပျောက်ရေးကို ကျွန်တော်တို့ ရည်ရွယ်ချက်ထဲမှာ ထည့်ထားတယ်။ ကမ္ဘာမှာ အဲဒီ ၀ါဒမျိုးကို တိုက်ဖျက်မဲ့လူတွေနှင့် အမြဲ ပူးပေါင်းပြီး အခွင့်အာဏာရတိုင်း ဆောင်ရွက်ဖို့ဘဲ။

အထူးသဖြင့် ကျွန်တော်တို့ တိုင်းပြည်မှာ ဒီဝါဒမျိုး လုံးဝ မရှိနိုင်အောင် လုပ်ရမယ်၊ အာဏာရှင်ဝါဒ၊ လူမျိုး အချင်းချင်း မုန်းတီးရေးဝါဒ၊ ဂျပန်ပြည်မှာလို စစ်ကသာ လွှမ်းမိုးရမယ်ဆိုတဲ့ စစ်ဖက်အာဏာရှင်စနစ်၊ သက်ဦး ဆံပိုင် ရှင်ဘုရင် စနစ်ဝါဒ၊ အဲဒီဝါဒမျိုး အငယ်စားဖြစ်တဲ့ ပဒေသရာဇ် မြို့စားရွာစား ၀ါဒ (Feudalism) အထက်ကသာ ခန့်ထားပြီး တိုင်းသူ ပြည်သား ဆန္ဒအရ မဟုတ်ဘဲ တိုင်းသူပြည်သား တွေနှင့် ကင်းကွာပြီး မင်းစိတ်ပေါက်တဲ့ အရာရှိတွေ ခြယ်လှယ်တဲ့ စနစ်ဆိုးတမျိုးရှိနေယင် အများပြည်သူ တို့ ဆန္ဒနှင့် လုပ်ကိုင် ရတဲ့ ဒီမိုကရေစီဝါဒ ခေတ်မစား နိုင်တဲ့ ဖက်ဆစ်ဝါဒ ဆင်တူရိုးမှားတွေ ပေါ်လာ နိုင်တယ်။ ဒီဝါဒမျိုးတွေ ပေါ်လာယင် တိုင်းသူ ပြည်သား တွေဟာ လွပ်လပ်ရေး ဆိုတာကို မရနိုင်တော့ဘူး။

ဒါကြောင့် ကျွန်တော်တို့ဟာ ဒီမိုကရေစီ ၀ါဒကိုသာ ခေတ်စားအောင် လုပ်ရမယ်။ အဲဒီ ၀ါဒမျိုးအရသာ လွပ်လပ်တဲ့ ဗမာနိုင်ငံ ထူထောင်နိုင်အောင် ကြိုးစားရမယ်။ ဒါမျိုးမလုပ်နိုင်ယင် ဗမာပြည်က လူတွေဟာလဲ နစ်နာမယ်။ ကျွန်တော်တို့ ပြည်ကိုလဲ ကမ္ဘာက ကြည့်နေလို့ မရတဲ့တနေ့ ဂျပန်နဲ့ ဂျာမနီ ၀ိုင်းပြီး အနှိမ်ခံ ရသလို အနှိမ်ခံရမယ်ဆိုတာ သတိချပ်ကြရမယ်။ ဒီမိုကရေစီ ၀ါဒသာ လွတ်လပ်ရေး နှင့် ဆီလျော်တယ်။ ဒီဝါဒသာ ငြိမ်းချမ်းရေးကို အား ပေးတယ်။ အဲဒါကြောင့် ဒီဝါဒကိုသာ ကျွန်တော်တို့ ရည်ရွယ်ရမယ်။ ဒါဖြင့် ဒီဝါဒဟာ ဘာလဲ ဆိုတာကိုလဲ ရှင်းပြချင်သေးတယ်။

ကျွန်တော်တို့ အမြင်အရဆိုယင် တိုင်းပြည်ရဲ့ ခေါင်းဆောင်မှုဟာ လူတဦးထဲက ခေါင်းဆောင်မှုမျိုး မဟုတ်ဘဲနှင့် အဖွဲ့နှင့် ခေါင်းဆောင်မှုမျိုး ဖြစ်ရမယ်။ အဖွဲ့ရဲ့ ဆန္ဒမဟုတ်ဘဲ ငါ့ဆန္ဒ ငါ့သဘော လုပ်တဲ့ ခေါင်းဆောင်မှုမျိုး မဟုတ်ဘဲ၊ အဖွဲ့ရဲ့ ဆန္ဒယူပြီး အဖွဲ့ရဲ့ အုပ်ချုပ်မှုအောက်မှာ ရှိတဲ့ ခေါင်းဆောင်မှုမျိုး ဖြစ်ရမယ်။

လူမျိုးရေး တရားဟာလဲ ငါ့လူမျိုးမှ ငါ့လူမျိုး၊ တခြားလူမျိုးတွေဟာ ငါ့လောက်မမြတ်။ ငါ့လူမျိုးသာ ကမ္ဘာ ကြီးစိုးရမယ်ဆိုတဲ့ ကျဉ်းမြောင်းသေးသိမ်တဲ့ လူမျိုးရေးတရား မဟုတ်ဘဲ ကိုယ့်လူမျိုး ကိုယ်ချစ်ခင် သော်လဲ တခြားလူမျိုးများကို မုန်းတီးခြင်း၊ အထင် သေးခြင်း မဖြစ်ဘဲ ကမ္ဘာမှာ တိုင်းပြည် အချင်းချင်း သင့်မြတ်စွာ တဦး အကျိုး တဦး ဖြစ်ပွားစေအောင် ဆောင်ရွက်တဲ့ လူမျိုးရေး တရားမျိုးလဲ ဖြစ်ရမယ်။ ဂျပန်ပြည်မှာလို စစ်ဘက်က လက်ဝါးကြီးအုပ်ပြီး တိုင်းပြည်လွှတ်တော်က ဘာမှ အစိုးမရတဲ့ စစ် အာဏာရှင် ၀ါဒမျိုး မရှိရအောင် စစ်ဖက်ကို တိုင်းပြည် လွှတ်တော်က အုပ်စိုးနိုင်ခွင့် ရှိရမယ်။

နောက် လွတ်လပ်စွာ ဖော်ပြခွင့် စည်းရုံးခွင့် အစည်းဝေးခေါ်ခွင့်နှင့် စီတန်းလမ်းလျောက်ခွင့်၊ လွတ်လပ် စွာ တွေးတောခွင့်၊ ကိုးကွယ်လိုရာ ဘာသာ ကိုးကွယ်ခွင့်၊ တရားနဲ့ မညီသော အဖမ်းအဆီး အချုပ်အနှောင်မှ ကင်းလွတ်ခွင့်၊ ကိုယ်ရေး လွတ်လပ် ခွင့်၊ ကိုယ့်အိမ် ကိုယ့်ယာနှင့် နေထိုင်ခြင်းကို မတရား သဖြင့် နှောင့်ယှက် ခြင်းမှ ကင်းလွတ်ခွင့်၊ လူတိုင်း ပညာ သင်ကြားနိုင်ခွင့်၊ အခမဲ့ ဆေးဝါး အကူအညီ ရရှိခွင့်၊ မတရားသဖြင့် စီးပွား ချုပ်ချယ်မှုများမှ လွတ်ကင်းချမ်းသာခွင့်၊ အလုပ်သမား လယ်သမားများရဲ့ အနည်းဆုံး အခွင့်အရေးများကို အစိုးရ မှ စောင့်ရှောက်ပေးခြင်း၊ လူနည်းစု တိုင်းရင်းသားများဧ။် အနည်းဆုံး အခွင့်အရေးများကို အစိုးရမှ စောင့်ရှောက် ပေးခြင်း၊ တိုင်းပြည်တွင် တိုင်းရင်းသား လူမျိုးတိုင်း ကိုယ့်ဘာသာ၊ ကိုယ့်ဓလေ့၊ ကိုယ့်ယဉ်ကျေးမှု အတိုင်း ဆောင်ရွက်နိုင်ခွင့်၊ အိုစာ နာစာ၊ အထိ အခိုက် လျော်ကြေး ရံပုံငွေ အစရှိသည်တို့ကို အစိုးရက ထားပြီး အိုမင်း၍လည်းကောင်း၊ နာဖျား၍လည်းကောင်း၊ ထိခိုက် နာကျင်၍ လည်းကောင်း၊ အလုပ်လုပ်ချင်သော်လည်း အလုပ် မရနိုင်၍ သော်လည်းကောင်း၊ အသက်မွေး ၀မ်းကျောင်း မပြုစွမ်း နိုင်သူ များသည် အစိုးရဧ။် အထောက်အပံ့ကို ရရှိခွင့်၊ ဒီမိုကရေစီ အခွင့်အရေး မျိုးတွေလဲ ရှိရမယ်။

အထက်ပါ အချက်တွေဟာ ဒီမိုကရေစီ ၀ါဒတွေရဲ့ အခြေခံတွေပဲလို့ ယူဆတယ်။ ဒီလို အခြေခံ တရားတွေကို ရည်ရွယ်ရင်း ရှိတဲ့ အဖွဲ့အစည်းဟာလည်း ဒီတရားတွေ နဲ့ညီတဲ့ အများဆန္ဒ အရ ရွေးကောက်ခြင်း၊ ဆုံးဖြတ်ခြင်း၊ ဆောင်ရွက် လုပ်ကိုင်ခြင်း စတဲ့ နည်းစနစ်မျိုးသာ သုံးရပေလိမ့်မယ်။”