ကြောက်စရာရောဂါ ကုစားပါ။
အော် သနားစရာ၊ ကင်ဆာ တဲ့လား
ကိုရီးယားဇာတ်ကား၊ သရုပ်ဆောင်များ
အသဲကင်ဆာ ၊ သွေးကင်ဆာ
အစာအိမ်ကင်ဆာ၊ ဘာညာဘာညာ
သာရကာ ၊ သိပ်ကို သနားတတ်တာ
မြန်မာပြည်က ပရိတ်သတ်ပါ။
အော် မေ့ထားတာက၊ စက်တင်ဘာလ
သံဃာ့အရေးအခင်း၊ဖြစ်ပျက်သမျှ
ရိုက်နှက်ခံကြရ ဖမ်းဆီးခံကြရ
မျက်ရည်ယိုဗုံးနဲ့ဖြိုခွင်းခံကြရ
ဘ၀တွေပေးခဲ့ရ၊ အသက်တွေစွန့် ခဲ့ရ
ဘာမှမကြာသေးတဲ့ ငါး လ သာသာ
ရှိခဲ့တာ သတိရကြစေချင်သည်။
ကိုယ့်ပြည်ကိုယ့်အရေး၊ အရေးမထားကြ
ချိုဝမ် ဂျူမုံ သူတို့ပုံတွေ လူတကာ စိတ်ထဲ စွဲ စွဲ ကာလေ
အိုပါး အိုမူးနီး အနီကာစေရော
ခမိုးအို ဗီယားနာ
သူတို့ စကား သူတို့ ဖက်ရှင်
သူတို့ယဉ်ကျေးမှု ရွှေမြန်မာတွေ
အတုယူနေ။
ညချမ်းချိန်ခါ တရားနာ
ကိုရီးယား ယဉ်ကျေးမှုပါ။
အော် သနားစရာ၊ ကိုရီးယား ကင်ဆာ
မြန်မာ့လူနေမှုထဲ စွဲလမ်းနေတာ၊
သတိပြုကြပါ။
ကိုယ့်တိုင်းပြည်အရေး ကိုယ်တွေးကြပါ၊
ကိုယ့်တာဝန်ကျေရေး သတိပေးချင်တာ။
လာပြန်ချေသေး၊ ဆန္ဒမဲပေးရေး
ငါ့လှေ ငါထိုး ပဲခူး ရောက် ရောက် ငါ့ ဖဲ ငါ ချိုး၊ ငါ့ ဖဲ ငါ ဝေ
ငါ ဘဲအနိုင် ရိုက် ၊ဘယ်သူ့ ဂရုစိုက်ရမလဲ။
ငါ့ကို ဘယ်သူ ဆန့်ကျင်ရဲသလဲ။
လူမိုက် စကားလုံး လှိုင်လှိုင် သုံးလျှက်
ပြည်သူ့အတွက် တစက်မျှ စေတနာ မပါဘူး။
န အ ဖ နဲ့ လက်ပါးစေတသိုက်
အမိုက်မှောင်တွင်း ဇွတ်နင်းကာချေ
ပြည်သူ့ဆန္ဒ၊ ပြည်သူ့ အသံတွေ။
ထလော့ မြန်မာ ရွှေမြန်မာတို့
သေချာတွေးပါ
ကိုရီးယား ကင်ဆာ
န အ ဖ ကင်ဆာ
ဘယ်ဟာက ကြောက်စရာ
ပိုကောင်းသလဲ ဆိုတာ။
ရွှေဆည်းဆာ
Read More...
Collapse...
နာရီလက်တံလေးများရွေ့လျားသံကလွဲ အပ်ကျသံပင်မကြားရသော တိတ်ဆိတ်လှသော ညခင်းတစ်ခု .. ။
စိတ်ဝင်စားသော စာအုပ်တစ်အုပ်ကို ကွန်ပြူတာရှေ့မှာ ကျွန်မထိုင်ဖတ်နေရင်း နာရီကိုလှမ်းကြည့်လိုက်တော့ အတော်ပင်ညဥ့်နက်နေခဲ့ပြီ .. ။ ယခုရက်ပိုင်း အိမ်ပြောင်းနေရသော ကျွန်မနှင့်ကျွန်မမိဘများ အလွန်ပင်ပန်းနေတာကြောင့် မိဘများကတော့ ပြောင်းရမည့်အိမ်အသစ်မှာ နှစ်ခြိုက်စွာအိပ်ပျော်နေပေပြီ .. ။ ညီမလေးနှင့်ကျွန်မသာလျင် အိမ်ဟောင်းမှာ မပြီးစီးနိုင်သေးသော လက်ကျန်ပစ္စည်းများကိုသိမ်းဆည်းရင်း မိမိအခန်းလေးတွင် သံယောဇဉ်မပြတ်စွာ ဆက်လက်အိပ်နေမြဲ .. ။ ခြေလက်ဆေး ၊ မျက်နှာသစ် ၊ သွားတိုက်အားလုံးပြီးစီးခဲ့ပြီမို့ အိပ်ရန်ကြံစည်လိုက်ကာမှ မိုးခြိမ်းသံအချို့နှင့်အတူ တစ်ဆက်တည်းရွာချလာသော မိုးစက်မိုးပေါက်များကြောင့် အခန်းထဲမှ ကပျာကယာထွက်ရင်း မီးဖိုချောင်နှင့် အခြားအခန်းများအားလုံးမှ ပြတင်းပေါက်များကို လိုက်ပိတ်လိုက်သည် .. ။ အနည်းငယ်ပြန့်ကျဲနေသော ပစ္စည်းအချို့ကို လက်ဖြင့်ကောက်သိမ်းနေစဉ် လျှပ်သံဝင်းဝင်းများကြောင့် ကျွန်မကျောထဲ စိမ့်ခနဲဖြစ်ရင်း ရင်ထဲမှအနည်းငယ်တုန်ယင်လာမိသည်။
တဆက်တည်း တိုက်ခတ်လာသော လေခပ်ကြမ်းကြမ်းကြောင့် ဆံပင်ရှည်များ ဖြာခနဲလွင့်ထွက်သွားချိန်မှာ ကျွန်မအတွေးထဲ ၀ိုးတားဝါးတားအရိပ်တွေ ထင်ဟပ်လာနေသည် .. ။ မည်သည့်အရာကို ကြောက်လန့်မှန်းမသိ .. ရင်ထဲမှ စိမ့်နေချိန်မှာ ရေချိုးခန်းတံခါးပေါက်ကို မပိတ်ရသေးမှန်း သတိရမိသည် .. ။ တစ်အိမ်လုံးမီးများကို ဖွင့်လိုက်ပြီး ရေချိုးခန်းထဲ ခပ်သွက်သွက်ပြေးဝင်ကာ တံခါးပိတ်များကို အလျင်အမြန်ပိတ်ရင်း နံရံမှ မှန်ကို မကြည့်ရဲစွာ ရင်ထဲမှာ လှပ်လှပ်ခါတုန်နေမိသည် .. ။ မိုးခြိမ်းသံများ ၊ လျှပ်စီးလက်ခြင်းများက ကျွန်မ၏ခြေလှမ်းများကို တုံ့နှောင်ထားသလို ကျွန်မမျက်လုံးထဲ ကြည့်ခဲ့ဖူးသော ရုပ်ရှင်များထဲမှ ပုံရိပ်များကို တိုက်ဆိုင်စွာ မြင်နေမိသည် .. ။ ကြောက်လန့်စရာဇတ်ကားများကို ကျွန်မ မကြည့်ဘဲ နေသည်မှာ အတော်ပင်ကြာမြင့်ခဲ့ပြီ .. ။ ရံဖန်ရံခါ တိတ်ဆိတ်မှုညတွေမှာ တစ်မျိုး ဖြစ်သည်ကလွဲ တစ်ယောက်တည်း နေသားကျချိန်မှ ကြောက်ရွံ့မှုစိတ်က တဖန်ပြန်လည်နိုးထလာနေသည် .. ။
တိတ်ဆိတ်လှပအသက်ဝင်သော ညခင်းကို ကျွန်မ ချစ်သည် .. ။ တစ်ယောက်တည်းနေချင်သော ကျွန်မအတွက် ညခင်း၏လေပြေနုနုလေးများ ၊ ညမွှေးရနံ့လေးများ ၊ တိတ်ဆိတ်အေးချမ်းမှုများက ကျွန်မနှလုံးသားကို အလွန်အမင်းစွဲဆောင်မှုဖြစ်စေသည်။ ကျွန်မချစ်သော ညခင်း၏အသက်ဝင်လှပမှုကြားထဲမှာ ရံဖန်ရံခါ လာနှောင့်ယှက်တတ်သည်မှာ Horror ကားများ ကြည့်ပြီး တစ်ခါတစ်ရံ စိတ်ကြောက်ရွံ့မှုများခံစားရခြင်း ဖြစ်သည် .. ။ ထိုအကျင့်ကပဲ ကျွန်မကို ရံဖန်ရံခါ မနေတတ်အောင် ဒုက္ခပေးလေ့ရှိသည်။ ထိုအကျင့်ကို ကြိုးစားဖျောက်ပြီး ထိတ်လန့်စရာဇတ်ကားများကို ကျွန်မ မကြည့်တော့သည်မှာ အလွန်ပင်ကြာမြင့်ခဲ့ပြီ .. ။ စိတ်ကူးထဲမှ ရုတ်တရက်မြင်ယောင်လာသော ပုံရိပ်များကို ကြိုးစားဖျောက်ရင်း ခြေလှမ်းများကို ခပ်သွက်သွက်လှမ်းကာ ကျွန်မအခန်းထဲသို့ မပြေးရုံတမယ်ပြန်ဝင်လာပြီး အခန်းတံခါးကိုပိတ်ထားလိုက်သည် ... ။ အပြင်ဘက်စီမှ မိုးခြိမ်းသံများ ၊ လျှပ်စီးဝင်းဝင်းများကတော့ ရန်သူကိုအငြိုးဖြင့် ဖြိုခွင်းနေသဟန် ပြင်းထန်စွာရွာသွန်းလျက်ရှိသည်။
အိမ်ကြီးတစ်ခုလုံးတွင် တစ်ဖက်ခန်းမှာတော့ ညီမလေးက နှစ်ခြိုက်စွာအိပ်ပျော်နေချိန် ကျွန်မတစ်ယောက်တည်း ကျွန်မအခန်းမှာ ရွာသွန်းနေသော မိုးစက်မိုးပေါက်များကို ချစ်မြတ်နိုးခြင်းထက် ကျယ်လောင်သော မိုးခြိမ်းသံများကို တွန့်ဆုတ်မိသည်။ ပစ္စည်းအနည်းငယ်နှင့် အထုပ်တစ်ချို့သာ ရှိတော့သော ကျွန်မကိုယ်ပိုင်အခန်းငယ်လေးထဲမှာ တစ်ယောက်တည်းထိုင်ရင်း ကျွန်မအိပ်ဖို့ အိပ်ယာ မပြင်ရသေးတာကို ရုတ်တရက်သတိရမိသည်။ ကုတင်များအားလုံး အိမ်အသစ်ဆီကို ရွှေ့ပြောင်းသွားသောကြောင့် ကျွန်မအတွက် အိပ်ယာသေးသေးလေးတစ်ခုသာ မိဘများအခန်းထဲမှာ ထားရစ်ခဲ့ပေးသည်။ အခန်းအပြင်သို့ထွက်ရင်း ဧည့်ခန်းမှ မီးများအားလုံးကိုဖွင့်လိုက်ကာ မီးဖိုချောင်ဘက်သို့ဆင်းရင်း မိဘများအခန်းဆီမှ ကျွန်မအတွက် အိပ်ယာလေးကို ကပျာကယာဆွဲမလိုက်သည်။ အိပ်ယာလိပ်ကို ကျွန်မအခန်းထောင့်မှာ ခဏချပြီးနောက် ကျယ်လောင်ပြင်းထန်သောမိုးခြိမ်းသံများကို ကြိုးစားလျစ်လျူရှုပြီး တစ်အိမ်လုံးမီးများကို လိုက်ပိတ်လိုက်သည်။
ကျွန်မအခန်းထောင့်တစ်နေရာမှာ အိပ်ယာခင်းကိုခင်းလိုက်ပြီး အိပ်ရန်ပြင်ဆင်ချိန်မှာ တိုက်ခတ်လာသော လေကြမ်းများ ၊ လျှပ်သံများကြောင့် ရင်ထဲတစ်မျိုးဖြစ်လာမိသည်။ မီးပိတ်အိပ်နေကျ ကျွန်မအကျင့်အတိုင်း ယခုညတော့ မီးပိတ်ရန် မတွေးဝံ့တော့။ စာကြည့်မီးချောင်းလေးကို ဖွင့်လိုက်ကာ ကျန်သောမီးများကိုပိတ်ပြီး အိပ်ယာဝင်ချိန်မှာ စိတ်၏တွေးတောမှုများက ဂယောက်ဂယက်ဖြစ်လာမိသည် .. ။ အပေါ်ထပ်အိမ်မှ ကြမ်းပြင်ပေါ် ခဲတံကျသံကပင် ကျွန်မစိတ်ကို စိုးထိတ်စေမိသည် .. ။ လက်ကိုင်ဖုန်းကို ဘေးနားဆွဲယူထားရင်း မျက်ဝန်းများကို ကြိုးစားမှိတ်လိုက်ချိန်မှာ ကြောက်ရွံ့နေသော စိတ်များကြားမှ ကြည့်ခဲ့ဖူးသော ထိတ်လန့်စရာပုံရိပ်များက ထင်ဟပ်လာပြန်သည် .. ။
စောင်ထူထူကို သေချာခြုံလိုက်ရင်း အတွေးထဲမှ ကြောက်ရွံ့မှုများ ၊ နားထဲမှာ ကြားသည်ဟုထင်ရသော အသံများ ၊ မြင်ယောင်နေမိသော ထိတ်လန့်စရာများအားလုံးက မိုးခြိမ်းသံများ ... လျှပ်စီးဝင်းဝင်းများနှင့်အတူ ရောထွေးကာ အနည်းငယ်လင်းနေသော မီးရောင်အောက်မှာ မျက်ခွံများလေးလံလာရင်း အရာအားလုံးကွယ်ပျောက်သွားခဲ့ပါသည် .. ။
Read More...
Collapse...
ဆရာနန္ဒာသိန်းဇံရဲ့ စာပေများကို နှစ်သက်မြတ်နိုးတဲ့ကျွန်မအတွက် ဆရာစာအုပ်တွေထဲက `လျှောက်´ဆိုသော အတွေးဆောင်းပါလေးတစ်ခုကို နှစ်သက်မိပါတယ် ။ ဆရာရေးသည့်စာအုပ်တွေဟာ လေးနက်သော အတွေးအခေါ် အဓိပ္ပါယ်တွေ ပြည့်ဝနေပြီး တစ်ခုဖတ်ကြည့်ပြီးတိုင်း ကျွန်မအတွက် လေ့လာစရာ ၊ တွေးစရာတွေ ကျန်ရစ်ခဲ့ပါတယ် .. ။ ဆရာနန္ဒာသိန်းဇံရေးသည့် စာအုပ်တွေထဲမှာ ကျွန်မ အနှစ်သက်ဆုံးစာအုပ်တွေကတော့ `မိတ်ကောင်းဆွေကောင်းနှင့် ခရီးသွားခြင်း´ ၊ `ကိုယ်ကျင့်တည်ကြည်ခြင်းနှင့်အဆင့်မြင့်ခရီးစဉ်´ ၊ `ခရောင်းလမ်းကိုဖြတ်ကျော်ခြင်း´ ၊ `မှန်သောစကားများကိုဆိုခြင်းနှင့်ပတ်သတ်သော မှတ်ချက်များ´တို့ဖြစ်ပါတယ်။ လူ့ဘ၀ခရီးကို လျှောက်လှမ်းနေသော ကျွန်မတို့အားလုံးအတွက် `လျှောက်´ဆိုသည့် အတွေးဆောင်းပါးလေးကို ခံစားဖတ်ရှုကြည့်ကြဖို့ လက်ဆင့်ကမ်းမျှဝေပေးလိုက်ပါတယ်ရှင်။
(၁)
အဲဒီညနေက
လျှောက်လာခဲ့တယ် ..
ဧရာဝတီမြစ်နဒီရဲ့ကမ်းပေါ်က သစ်ပင်တန်းကို ဖြတ်သန်းတိုးဝင်လာတဲ့ လေပြေထဲမှာ တမာနံ့တွေ သင်းပျံ့လာတာကို သတိထားမိပါတယ်။ ပြီးတော့ .. သူပြောတာကိုလဲ အမှတ်ရလာပါတယ်။ သူက ကဗျာပညာရှင်ဆိုတော့ ပြောပုံက
`သူ ..
လျှောက်လာခဲ့တယ်´တဲ့။
ကိုယ်ရောစိတ်ရော နွမ်းနွမ်းကြေကြေနဲ့
အကျွမ်းမ၀င်တဲ့ ညနေရီမှာ
နေရောင်ကလဲ စိမ်းနေသလားလို့ထင်ရတယ်
ရှေ့ကိုလှမ်းကြည့်တော့
ဖြူရော်ရော်လမ်းကလေး ..
ဘယ်ကွေ့ရာက ညာကိုကောက်နဲ့
သြော် .. ဘယ်ကိုများ ရောက်ပါလိမ့် ၊ ရောက်မှာပါလိမ့် ..
လို့တွေးရင်းတွေးရင်း
မရေမရာ ဇဝေဇ၀ါနဲ့ သွားရမည့်ခရီးရဲ့
မသေချာတဲ့ ဝေဒနာကို ရင်မှာခံစားလာရတယ်တဲ့ ..
အဲဒီတုန်းကလဲ သူ့ကိုပြောဖူးပါတယ်
ဘယ်ရောက်လဲသိအောင် .. ဆက်လျှောက်လို့
ဆက်လျှောက်လိုက်ကြည့်လိုက်ပါလား ... လို့ ။´
ဧရာဝတီရဲ့သောင်စပ်ကို ဆင်းလျှောက်လာခဲ့တယ် ..
ကိုယ့်ကိုအမြဲလိုလို စီးလိုက်နေတယ်လို့ထင်ရတဲ့ ဖိနပ်ကို ချွတ်ကိုင်ရင်း လှိုင်းတွေပြန်လှည့်ဆင်းသွားတဲ့ သဲသောင်စပ်အတိုင်း လျှောက်တယ်။ နင်းလျှောက်မိတဲ့ သဲကလေးတွေဟာ နူးညံ့ပါတယ်။ ညက်ညောပါတယ်။ ပြန်တက်လာတဲ့ လှိုင်းကလေးတွေနဲ့ ခြေအချနဲ့ ထိတွေ့တော့လဲ အေးမြပါတယ်။
လှိုင်းကလေးတွေလာပြီး ခတ်ပေမယ့် သဲသောင်ယံဟာ ဘာမှဖြစ်ပေါ်ပုံမပေါ်ပါဘူး။ လှိုင်းကလေးတွေ လာခတ်တာကသိမ်မွေ့နေလို့ ဖြစ်ပါလိမ့်မယ်။ ဒါပေမယ့် . သိတယ်ဟုတ်။ ဘ၀ခရီးတစ်နေရာရာမှာ ရင်ထဲမှာ သမုဒယလှိုင်းကလေးတွေ ထိခတ်လာပြီဆိုရင် အဲဒီသမုဒယလှိုင်းကလေးတွေက နုနုလှလှ ၊ ယုယုယယရှိတယ်လို့ ထင်ရပေမယ့် ဘ၀တစ်ခုလုံး ပြိုဆင်းကြေမွသွားနိုင်တယ်´ဆိုတဲ့ သူ့စကားကို အမှတ်ရပြန်ပါတယ်။ သူ့ကိုခတ်တဲ့လှိုင်းက သမုဒယလှိုင်း။
တခြားသူတွေကို ခတ်တဲ့လှိုင်းတွေကတော့ အလိုလောဘလှိုင်းတွေ ၊ ဒေါသအာဃာတလှိုင်းတွေနဲ့ အမျိုးအမည်ခြားနားတဲ့ လှိုင်းတွေ ... အထိအခတ်ပြင်းတဲ့ လှိုင်းမျိုးတွေဖြစ်မှာပေါ့။ ဖြစ်ချင်ဖြစ်မှာပေါ့။
(၂)
လျှောက်ရင်း လျှောက်ရင်း နောက်ကို အမှတ်မထင်လှည့်ကြည့်လိုက်မိတယ်။
`ထိတ်´ခနဲဖြစ်သွားတယ်။ ရင်ထဲမှာ လှိုင်းတွေ တဖျတ်ဖျတ်ခတ်နေသလို ခံစားလိုက်ရတာတော့ အမှန်ပဲ။`လျှောက်နင်းခဲ့တဲ့ ငါ့ခြေရာတွေ တစ်ခုမှ မရှိတော့ပါလား။ လျှောက်ခဲ့တာအဝေးကြီး ... အဝေးကြီး လျှောက်လာခဲ့တာ´ ဆိုတဲ့ အတွေးနဲ့ `လျှောက်ခဲ့မိတဲ့ ငါ့ဘ၀ခရီးက အဝေးကြီး ၊ ဒီဘ၀ခရီးရှည်ကြီးထဲမှာ ငါ့အတွက် အမှတ်ထင်ထင်မည်မည်ရရဆိုလို့ ဘာမှလဲမရှိပါလား´ဆုတဲ့ အတွေးတွေ ပေါင်းဆုံလိုက်လို့ အထိတ်တလန့်ဖြစ်သွားခဲ့တာ။ ရင်ထဲမှာ လှိုင်းတွေခတ်နေသလို ခံစားလိုက်ရတာ .. ဟုတ်ပါတယ်။ ပြန်လှည့်ပြီး တက်လာတဲ့ ရေလှိုင်းတွေက .... လျှောက်နင်းခဲ့တဲ့ ကိုယ့်ခြေရာတွေကို ပျောက်ပျောက်ကုန်အောင်ဖျက်ဖျက်သွားခဲ့ကြတာကိုး။
ဒါပေမယ့် ..... ခြေရာတွေပျက်သွား ၊ ပျောက်သွားပေမယ့် လျှောက်တဲ့အထိတော့ ရောက်တာပဲ။ လျှောက်ရင်တော့ လျှောက်နိုင်သလောက် ရောက်တာပါပဲ။ ဖိနပ်က အခုမှကိုယ့်ကို တကယ်ခိုစီးပြီး ပါလာတာကိုလည်း သတိထားမိတယ်။
ဒီတစ်ခါတော့ ကိုယ့်ကိုယ်ကိုပြန်ပြီးပြောရတယ်။ ခြေရာမထင်ခဲ့တာတွေကို ပြန်ကြည့်ပြီး လွမ်းမောရင်း ရပ်မနေနဲ့။ တွေဝေမနေနဲ့။ လျှောက်ရမည့်နေရာဆီကို `လျှောက် .. ဆက်လျှောက်´လို့။ ရှေ့ကိုလှမ်းကြည့်လိုက်တော့ စွေစောင်းနေတဲ့ နေခြည်မှာ ရွှေရည်ဝင်းနေတဲ့ မြသလွန်စေတီကို မြစ်ကမ်းပေါ်မှာ နှစ်လိုဖွယ်ရာ ဖူးတွေ့နေရတာကို အမှတ်ရပါတယ်။
နန္ဒာသိန်းဇံ
Read More...
Collapse...
ညစ်ညမ်းစာများကြောင့် လွတ်လပ်စွာရေးသားခွင့်ပေးထားသော ကျွန်မစီဗောက်စ်ကို ခေတ္တခဏဖြုတ်ထားလိုက်ရပါတယ်။ ကျွန်မ တအားအလုပ်များနေတာကြောင့် တစ်ချိန်လုံး အဲဒီမက်ဆေ့ခ်ျတွေကို မကြည့်နိုင် ၊ မဖျက်နိုင်တာကြောင့်ပါ။ သူငယ်ချင်းတွေ ၊ စာဖတ်သူတွေက စီဗောက်စ်မှာ နှုတ်ဆက်ပြောဆိုခြင်းကို နှစ်သက်ကြတာ ကျွန်မသိတဲ့အတွက် စီဗောက်စ်ကို Upgrade လုပ်ပေးလိုက်ပါပြီ .. ။ ကျွန်မ စီဗောက်စ်မှာ ရေးသားလိုလျင် register လုပ်ဖို့အတွက် သုံးလိုသည့် username & password နှင့် Email Subject နေရာမှာ To Register ဟုရေးပြီး အီးမေးလ်ဖြင့် linletkyalsin@yahoo.com ကို ပို့လိုက်ပါ။ username ကို အင်္ဂလိပ်လိုပဲပေးကြဖို့ အကြံပြုလိုပါတယ်။ Register လုပ်ပေးပြီးရင် ကျွန်မ email နဲ့ အကြောင်းပြန်လိုက်ပါ့မယ် ။
ကျွန်မလုပ်ဆောင်ချက်များ ၊ ကျွန်မ အရေးအသားများနှင့်ပတ်သတ် အပြုသဘောဝေဖန်ရေးများကိုသာ လက်ခံကြောင်းလည်း ထပ်မံပြောလိုပါတယ် .. ။ ဒီဘလော့ခ်ဟာ ကျွန်မခံစားမှုတွေနှင့် အခြားလက်လှမ်းမှီရာများကို ရေးသားသီကုံးသည့် ဘလော့ခ်ဖြစ်တဲ့အတွက် မဆိုင်တဲ့မေးခွန်းတွေ ၊ ထပ်ခါတလဲလဲမေးခွန်းတွေအားလုံးအတွက် တစ်ယောက်ချင်းစီကို ကျွန်မ လိုက်မဖြေနိုင်တာလည်း နားလည်ပေးစေလိုပါတယ် .. ။
လွတ်လပ်စွာ သီကုံးရေးသားချင်သည့် ကျွန်မစိတ်နှလုံးသားထဲမှာ ကျွန်မခံယူထားသည့်အရာတစ်ခုကတော့
အမှောင်ထဲမှာ ထိုင်နေတာထက် ကျွန်မနိုင်တဲ့ဖယောင်းတိုင်သေးသေးလေးတစ်ခုကို ကျွန်မ ကြိုးစားထွန်းညှိလိုက်ပါတယ်။ နေရာအနှံ့အပြားကိုတော့ အဲဒီဖယောင်းတိုင်လေးရဲ့ အလင်းရောင်က အများကြီးမရောက်သွားပေမယ့် သူထွန်းညှိထားတဲ့ နေရာနယ်ပယ်လေးတစ်ခုမှာတော့ အလင်းရောင်တစ်ခုအဖြစ် အနည်းငယ်လင်းသွားတယ် .. ။ အဲဒါကိုပဲ မမှိန်သွားအောင် ကျွန်မ ကြိုးစားပြီး ဆက်လက်ထိန်းသိမ်းသွားရမှာပါ .. ။
Read More...
Collapse...
တော်လှန်ရေး သူရဲကောင်း
ဇွဲကပင်တောင်ခြေမှာနှင်းမကွဲသေးဘူး
တိုင်းရင်းသားလူမျိုးစုတွေရော
မြန်မာလူမျိုးအားလုံးရော
စစ်အာဏာရှင်စံနစ်ဆိုးအောက်က
မလွတ်မြောက်နိုင်ကြသေးဘူး .. ။
အချိန်မတန်ခင်ကြွေလွင့်သွားတဲ့
တော်လှန်ရေးသူရဲကောင်းကြီး
ဖဒိုမန်းရှာတစ်ယောက်
တမလွန်ဘ၀ကနေ
ရဲရဲတောက်တော်လှန်ရေးဝိဥာဉ်တစ်ခုနဲ့
ဆက်လက်တိုက်ပွဲဝင်နေမှာလား .. ။
မြူလည်းစဲပြီ
ကျေးငှက်သံတွေလည်းတိတ်ခဲ့ပြီ
မျှော်လင့်ချက်မျက်နှာတွေ
ငိုပွဲဆင်ခဲ့ရပြီ ..
သွေးညှီနံ့တွေပြည့်နှက်
ယမ်းငွေ့သံတွေတဝေေ၀
ကောက်ကျစ်ယုတ်မာမှုတွေပြည့်နှက်
ကိုယ့်လူမျိုးအချင်းချင်းယုတ်မာနေတဲ့
စစ်အာဏာရှင်စံနစ်အောက်ကလွတ်မြောက်ဖို့
ညီညွတ်ရေးအဆောက်အအုံတွေ
ကြိုးစားတည်ဆောက်ရဦးမယ် .. ။
အရိုအသေလေးမြတ်မှုတွေကြား
ခေါင်းဆောင်တစ်ယောက်ကျဆုံးတိုင်း
တစ်ခါပေါက်ထွက်တဲ့နှလုံးသားနဲ့အတူ
ကြေကွဲခြင်းတေးသံများလွှမ်းခြုံ
လွတ်မြောက်ရေးရောင်နီဆီ
အားလုံးဆက်လျှောက်ကြရင်း
တော်လှန်ရေးဝိဥာဉ်ဖြန့်ဝေနေမည့်
သူရဲကောင်းကြီး `ဖဒိုမန်းရှာ´အား
လေးစားဂုဏ်ပြုဦးညွှတ်လိုက်ပါ၏ .. ။
လင်းလက်ကြယ်စင်
Read More...
Collapse...
`ဘာပြောတယ် လော်ရာ´
`စိတ်မ၀င်စားဘူးလို့ ပြောတာပါ ဒယ်ဒီ ´
`မရဘူးသမီး ။ ဒီခေတ် ဒီအချိန်ခါကြီးထဲမှာ သမီး ဗမာစကားမတတ်လို့မရဘူး´
`ဒါဆိုလဲ နောက်မှတက်မယ်ဒယ်ဒီ။ အခု သမီးမှာ အင်္ဂလိပ်စာသင်တန်းနဲ့ ဂျပန်ယဉ်ကျေးမှုသင်တန်းတွေတက်ရဦးမယ်´
`အဲဒါ ခက်တာပဲ .. မင်းတို့ကလေးတွေ ဘာကအရေးကြီးလဲဆိုတာ မခွဲခြားနိုင်သေးဘူး။ ဗမာစကားတတ်ရင် ကမ္ဘာမှာမင်းသွားချင်တဲ့နိုင်ငံဆီသွားပြီး အလုပ်လုပ်လို့ရပြီ။´
`အင်္ဂလိပ်စာထက်ပဲ အသုံးဝင်ရဦးမလား ဒယ်ဒီရာ´
`၀င်ပြီလား သမီး .. ကဲ မင်းဗမာစာ ၊ ဗမာစကားတတ်ပြီဆိုပါတော့ .. ။ မင်း ရန်ကုန်က မာစတာသင်တန်းတွေ တက်ခွင့်ရမယ်။ မင်းဘူးဦးသြဘာသရဲ့ စာကောင်း စာခန့်တွေဖတ်လို့ရမယ်။ ပြီးတော့...´
`ရှိတ်စပီးယားပဲ ကောင်းရဦးမလား ဒယ်ဒီရာ။ ဂျာမန်လူမျိုးအဖေက ဒီလိုပြောတာကို အံ့သြမိပါရဲ့´
`ဘာကွ .. အေး ၂၀၀၀ ပြည့်နှစ်လောက်ကဆို ငါပြောတာမှားချင်မှားမယ်။ အခုလို အချိန်မှာတော့ မင်းဗမာစာမတတ်ရင် ဘာဖြစ်သွားမှာလဲသိလား´
`သိပ်တော့မထူးပါဘူး´
`ဟာ .. သိပ်ထူးတာပေါ့ သမီးရယ်။ ဒယ်ဒီပြောပြမယ် နားထောင်။ ဗမာစာမတတ်ရင် နောက်နှစ်ဆန်းမှာထွက်လာမယ့် Window Popa (၀င်းဒိုးပုပ္ပါး)ကို မင်းဘယ်လိုသုံးမလဲ။ ထားပါတော့ .. မင်းက open source တို့ Linux တို့ရဲ့ ဟင်္သာရောင်အပိုင်း(၆) .. ( Hintha Shine Core 6 ) ကိုရော ဘယ်လိုကိုင်တွယ်မလဲ .. ။ အလုပ်လုပ်လို့ မကောင်းတော့တဲ့ Window Vista နဲ့ နေခဲ့ချင်ရင်တော့ မင်းအမေရိကကိုသွားတော့။ ခေတ်ရှေ့ပြေးနေတဲ့ အရှေ့တောင်အာရှကို မလာနဲ့တော့။ နောက်ပြီး Cell Phone နဲ့ မြေပုံစနစ်တွေမှာဆိုရင် ဗမာစာမတတ်ရင် မင်းသုံးရခက်ပြီ´
`ဘာဆိုင်လဲဒယ်ဒီရာ´
`ဆိုင်တာပေါ့ .. On Touch Screen နဲ့ Voice Command တွေသုံးထားတဲ့ (ဆ.သ.ရ) အမျိုးအစားဖုန်းတွေကို မင်းဘယ်လိုအသုံးချမလဲ။ မြေပုံစာတန်းတွေကလည်း ဗမာလိုတွေလေ´
`Sony နဲ့ Nokia ကတော့ အင်္ဂလိပ်လိုသုံးပါသေးတယ်ဒယ်ဒီရာ´
`ဒယ်ဒီသိပြီ .. ငါ့သမီးက ၀ိဇ္ဖာတန်းတက်ပြီး ခေတ်နဲ့မျက်ခြေပြတ်နေတာကိုး .. ။ မင်းပြောတဲ့တံဆိပ်တွေက နည်းပညာပိုင်းမှာ (ဆ.သ.ရ)ကို မမှီတော့ဘူးကွ။ စစ်ကိုင်းမှာ လုပ်သွားတဲ့ (ဆ.သ.ရ) အရောင်းမြှင့်တင်ရေးကို M.R.T.V ၂၃က တိုက်ရိုက်လွှင့်လို့ ဒယ်ဒီကြည့်လိုက်ရတယ်။ သိပ်ကိုကောင်းတဲ့ လက်ကိုင်ဖုန်းတွေပဲသမီး . ။ Nokia ဆိုတာ ကလေးကစားတာပါကွာ။ ကဲ .. ဒီတော့ သမီးဗမာစာသင်တန်းတက်။ ပြီးရင် နောက်လထဲ ဒယ်ဒီဗမာပြည်သွားရင် လိုက်ခဲ့တော့ .. ဟုတ်ပြီလား´
`ဗမာပြည်ဝင် ဗီဇာက ထင်သလောက် မလွယ်ဘူးနော်။ နောက်ပြီး ဒယ်ဒီက ဘာသွားလုပ်မှာလဲ´
`ဒယ်ဒီက တောင်ငူမှာလုပ်မယ့် လေယာဉ်ပြပွဲကိုသွားမယ်။ ဗမာပြည်လုပ် `မိုးယံဆင်´ငါးထပ် လူစီးလေယာဉ်ကို အဓိကကြည့်ချင်လို့ပါ။ အဲဒီလေယာဉ်က ပြေးလမ်းမလိုဘူး။ ပြီးတော့ မြကျွန်းသာပန်းခြံထဲက ရေအောက်ပြခန်းလုပ်မယ့် စက်ရုပ်အလေးမပြိုင်ပွဲပါ ၀င်ကြည့်မလို့လေ´
`စိတ်ဝင်စားဖို့တော့ကောင်းသား .. ဒါပေမယ့် အစားအသောက်ကရော အဆင်ပြေပါ့မလားဒယ်ဒီ´
`ဟားဟား ငါ့သမီးကလဲ သူ့အမေနဲ့တူလာပြီ။ ကြံဖန်ပူတတ်လာတယ် .. ဒီမယ် ငါ့သမီး . ဗမာပြည်မှာ မရတာမရှိတော့ဘူး။ သမီးဘာစားချင်သလဲ။ အဆူးမပါ အနံ့ကင်းတဲ့ ၂၀၀၄ခုနှစ် စတိုင်ဒူးရင်းသီးလား။ သယ်ယူရ လွယ်ကူတဲ့ လေးထောင့်ပုံကြက်ဆင်ဥလား။ လေဆာနဲ့အရိုးတွေကိုချေပြီး တစ်ကောင်လုံးဝါးစားလို့ရအောင် လုပ်ထားတဲ့ ငါးသလောက်ပေါင်းလား။ ဥရောပတွေအတွက် သီးသန့်လုပ်ထားတဲ့ အဖြူရောင်ပုန်းရေကြီးလား .. ဒါမှမဟုတ်´
`တော်ပါပြီဒယ်ဒီရယ်။ ဗိုက်တောင်ဆာလာပြီ .. သွားရေးလာရေးနဲ့ဆက်သွယ်ရေးက .. ´
`သမီးမေးခွန်းတွေက နည်းနည်းဘေးရောက်လာပြီ ။ ဗမာပြည်သွားမယ်ဆိုရင် ဒါတွေထည့်စဉ်းစားဖို့ကို မလိုတော့ဘူးလေ။ လေယာဉ်ပေါ်ကဆင်းတာနဲ့ အောက်ဆီဂျင်စစ်စစ်ပေးထားတဲ့ လေရှုဘေးတွေ ထုတ်ပေးမယ်။ နေရောင်ခြည်ကာတဲ့ ဦးထုပ်နဲ့မျက်မှန်လည်းပေးမယ်။ ရာသီဥတုကြောင့်တော့ သမီးမပူရတော့ဘူး။ သမီးသွားမယ့် ဟိုတယ်တိုင်းမှာ သမီးစီးမယ့်ကားတံခါးကိုလာကပ်မယ့် Tube တွေရှိတယ်။ အဲဒီအပေါ် ခြေထောက်ချလိုက်ရုံနဲ့ အလိုအလျောက်ရွေ့လျားသွားပြီး သမီးကို Reception ကိုပို့ပေးလိမ့်မယ်။ အဲဒီမှာ ဘာသာစကားအနည်းဆုံး ၅၉၀လောက်ပြောတတ်တဲ့ ဟိုတယ်ဝန်ထမ်းတွေ စောင့်နေလိမ့်မယ် .. ။ နောက် ဘာတဲ့ ဆက်သွယ်ရေး ဟုတ်လား။ ဗမာနယ်စပ်ကို လေယာဉ်ဖြတ်တာနဲ့ အင်တာနက်ကွန်နက်ရှင်ရပြီး GSM တွေသယ်လာရင်ပြောလို့ရပြီ။ အဲ .. ကိုယ့်ဖုန်းကိုယူလာဖို့ မေ့ရင်လည်း မပူနဲ့။ လေဆိပ်မှာ လက်ကမ်းစာစောင်ဝေသလို GSM တွေဝေနေတဲ့ ချာတိတ်တွေရှိတယ်။ ကြိုက်တဲ့ SIM Card ရွေးယူ။ Hand Set ကတော့ ထုတ်ထားတာ ၂ပတ်ကြာတဲ့ မော်ဒယ်ဆိုရင် အလကားယူလို့ရတယ်လေ။ အများစုကတော့ ဆသရလို့ခေါ်တဲ့ ဆက်သွယ်ရေးတံဆိပ်တွေပဲ´
`သြော် ကောင်းလိုက်တာနော် အစိုးရနဲ့နိုင်ငံရေးရော ....... ´
`အစိုးရ ... အစိုးရ .. ဒီအစိုးရတော့ကွာ .. ဒီလိုရှိတယ် ... ဒယ်ဒီပြောမယ်´
ထိုစဉ် `ဆိုက်ကားအားလား´ဟူသော ခရီးသည်အသံကြောင့် ကျွန်တော်လည်းအိပ်ယာလန့်နိုးသွားကာ ခရီးသည်ကို လိုရာသို့တင်ဆောင်လိုက်ပို့လေသတည်း။
ပြည်ချစ်သူ
မှတ်ချက်။ ဖေဖော်ဝါရီလထုတ် အာဟာရစာစောင် အမှတ်(၈၄)မှ ကူးယူဖော်ပြခြင်းဖြစ်ပါသည်။
Read More...
Collapse...
န.အ.ဖ ရဲ့ ကြေငြာချက်တွေကို ဆန်းစစ်ကြည့်လိုက်တဲ့အခါ
၁) ၁၉၉၀ ရွေးကောက်ပွဲရလဒ်ကို ပစ်ပါယ်ရန်ကြိုးစားခြင်း
၂) ရွေးကောက်ပွဲအနိုင်ရပါတီမှ ဒေါ်အောင်ဆန်းစုကြည် ၊ ဦးတင်ဦးအပါအ၀င် ဖမ်းဆီးခံ နိုင်ငံရေးအကျဉ်းသားအားလုံး ခြွင်းချက်မရှိလွှတ်ပေးရေးအား လျစ်လျှူရှုခြင်း။
၃) ၁၉၈၈ လူသတ်မှု ၊ ဒီပဲယင်း လုပ်ကြံသတ်ဖြတ်မှု ၊ စက်တင်ဘာ အရေးအခင်း တွင် သံဃာ တော်များနှင့် လူထု အား သတ်ဖြတ်သည့် တာဝန်ရှိသူများ အား ပြင်းထန်စွာ အရေးမယူခြင်း။
၎) ကျောင်းသားတပ်မတော် ၊ ကေအင်န်ယူနဲ့ အားလုံးသော လက်နက်ကိုင်တော်လှန်ရေးအင်အားစုများနဲ့ အကြွင်းမဲ့ အပစ်အခတ်ရပ်စဲရေး။
အထက်ပါအချက်သုံးချက်အရ န.အ.ဖ လုပ်မယ့် ဆန္ဒခံယူပွဲဟာ ၁၉၇၄ ခုနှစ် မ.ဆ.လ ပါတီ လုပ်ခဲ့တဲ့ လူထု ဆန္ဒခံယူပွဲထက်ဆိုးတဲ့ ကိစ္စတရပ်ဖြစ်တယ်။ဒါဟာ န.အ.ဖ ဖက်က ပြည်သူလူထုကို တဖက်သတ် အနိုင်ကျင့်စော်ကားမှုတွေအားလုံး နဲ့အတူ ထပ်မံ ပြီး ထမ်းခိုင်းမယ့် ၀န်ထုတ်ဝန်ပိုး တစ်ခုသာဖြစ်တယ်။
ဒီဆန္ဒခံယူပွဲကို နိုင်ငံတကာနဲ့ ကုလသမဂ္ဂကို ထုံးစံအတိုင်း ညာပြီး ပြတဲ့ ပွဲ လူထု ကို သေနတ်နဲ့ချိန် ပြီး ပြတဲ့ သွေးသံရဲရဲ ထဲ က မျက်လှည့်ပြပွဲ တစ်ခုဖြစ်တယ် ။ မြန်မာပြည် ပြည်သူလူထုဟာ ညံ့ဖျင်းနုံနဲ့ ပြီး ငါတို့လုပ်တိုင်း ရတယ်ဆိုတဲ့ န.အ.ဖ ရဲ့ သူတို့ကိုယ်သူတို့အထင်ကြီးမှုနဲ့ တဖက်က ပြည်သူလူထုအပါအ၀င် နိုင်ငံရေးပါတီတွေနဲ့ တကွ တိုင်းရင်းသား တော်လှန်ရေးအင်အားစု အသီးသီး ဒီမိုကရေစီအင်အားစုအသီးသီးကို နားမလှည့်ပဲ မျက်နှာချင်းဆိုင် လည်ဂုတ်ဆွဲပြီး ပါးရိုက်လိုက်တာပဲဖြစ်တယ်။
န.အ.ဖ ဟာ ပြည်တွင်းပြည်ပ အကြပ်အတည်း တွေအားလုံးကို လက်ပူတိုက် လိမ်ညာ ခြိမ်းခြောက်သတ်ဖြတ် လာဘ်ထိုး ချော့မော့ လုပ်ကြံခြင်းတွေနဲ့ သက်ဆိုးရှည်ခဲ့တာ နှစ်ပေါင်းနှစ်ဆယ်ထဲကို ချည်းနင်းဝင်ရောက်လာပြီဖြစ်တယ်။
ပြည်သူလူထု တရပ်လုံးအနေနဲ့ န.အ.ဖ စစ်အာဏာရှင်လုပ်မယ့် လူထု ဆန္ဒခံယူပွဲ ဆိုတာရဲ့ အနှစ်သာရကို ကောင်းကောင်းနားလည်ပြီးသားဖြစ်တယ်ဆိုတာ ယုံမှားသံသယဖြစ်ဖွယ်မရှိဘူး။
စစ်အုပ်စု ဟာ ၁၉၉၀ ရွေးကောက်ပွဲ မှာ အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်ကို သာ နိုင်ငံတော် အာဏာ အပ်ရမှာဖြစ်တယ်။ အမျိုးသားဒီမိုကရေစီ အဖွဲ့ချုပ်အနေနဲ့သာ ဦးဆောင်လုပ်ရမယ့် အမျိုးသား ပြန်လည်သင့်မြတ်ရေးကိစ္စတွေဖြစ်တယ်။ ဒါကို နားလှည့်ပါးရိုက် ဖို့ တိုင်းရင်းသားတွေကို လိမ်ညာ သုတ်သင်ချင်တဲ့ န.အ.ဖ ရဲ့ အလုပ်မဟုတ်ဘူး ၊
စစ်တပ်ဟာ စစ်တန်းလျားမှာပဲ ရှိနေရမယ်။ အမျိုးသားနိုင်ငံရေးဆိုတဲ့ စကားတစ်ခွန်းနဲ့ ကိုယ့်ကိုယ်ကိုယ် နိုင်ငံရေးဥသျှောင်ကြီးတွေလို သေနတ်ခါးချိတ်ထားတဲ့ အာဏာရှင်တွေအနားယူကြဖို့အချိန်ဖြစ်ပြီ။ စစ်အုပ်စုရဲ့ အထက်ပိုင်း ခြောက်ဆယ်ကျော်တဲ့ ဗိုလ်ချုပ်တွေအကုန်လုံးအငြိမ်းစားယူသင့်ပြီ ။
တပ်မတော် ကို ကမ်းကုန်အောင် ဖျက်ဆီး စရိုက်ဆိုးတွေသွပ်သွင်းပြီး ခါးပိုက်ဆောင်တပ်အနေနဲ့ ကိုယ့် ရဲဘော်ရဲဘက် အငယ်တွေကို ညီရင်းအကို စိတ်မထားပဲ ကိုယ့် အကျိုးစီးပွား ကို ကာကွယ်ရင်ကာကွယ် ၊
မကာကွယ်ရင် ပက်ပက်စက်စက် လုပ်ရက်တဲ့ ဗိုလ်ချုပ်တွေကို တပ်မတော် ထဲက ထုတ်ပယ်အရေးယူဖို့အချိန်တန်ပြီ။
တပ်မတော် တွင်းက ဗိုလ်ချုပ်ကြီးများကစလို့ တပ်သားအထိ အမျိုးသား နိုင်ငံရေး ကို လုပ်ချင်ရင် တပ်မတော်က အငြိမ်းစားယူပြီး ပါတီတစ်ရပ် အဖွဲ့ အစည်းတခုကို ဦးဆောင်ပြီး လုပ် ရမှာဖြစ်တယ် သေနတ်တကားကားနဲ့
ဗိုလ်ကျအနိုင်ကျင့် တာဟာ အမျိုးသားနိုင်ငံရေးမဟုတ်ဘူး အမျိုးသားကျွန်ပြုရေးဖြစ်တယ် ။ တပ်မတော်ဆိုတာ နိုင်ငံတော်ကို ပြည်ပ ရန်က ကာကွယ်ဖို့ပဲဖြစ်တယ် ၊ တရားမျှတတဲ့နည်းနဲ့ ပြည်သူလူထု ရွေးချယ်တင်မြှောက်တဲ့ အရပ်သား အစိုးရတစ်ရပ်သာလျှင် တိုင်းပြည်ကို ဦးဆောင်ရမှာဖြစ်တယ် ။ မိန်းကလေးတယောက်ကို အတင်းဗလက္ကာရ ပြပြီးမှ မယားတော်ပါ့မယ် ဆိုတဲ့အချိုးနဲ့ နိုင်ငံတော်နဲ့ ပြည်သူကို စော်ကားမော်ကားလုပ်လာခဲ့တာတွေကို ရပ်ကြဖို့ပြည်သူလူထုက ဘက်ပေါင်းစုံက ၀ိုင်းဝန်းကြိုးပမ်းရမှာဖြစ်တယ်။ န.အ.ဖ ရဲ့ ဆန္ဒခံယူပွဲ ကို လူထု ကြီးတရပ်လုံးက ပြတ်ပြတ်သားသား ဆန့်ကျင်ကြမယ်ဆိုတာကို န.အ.ဖ ဟာ ကျိန်းသေသိတယ်။
ဒီတော့ န.အ.ဖ ဟာ လူထုကို ချော့တလှည့်ခြောက်တလှည့်နဲ့ သတ်ဖြတ် ဖမ်းဆီးသင့်တဲ့အစိတ်အပိုင်းကို သတ်ဖြတ်ဖမ်းဆီးမယ် ယခုလဲ ဖမ်းဆီးနေဆဲဖြစ်တယ် ၊ လိမ်ညာချော့ယူ သိမ်းသွင်းရမယ့်အပိုင်းကို လိမ်ညာ ချော့မြှူသိမ်းသွင်းမယ်။ သူတို့ လုပ်နေကြဖြစ်တဲ့ ကြံ့ဖွတ် ဦးဆောင်တဲ့ အတုအယောင် အင်အားပြပွဲကြီးတွေကို ယခုက စပြီး အရှိန်အဟုန်မြှင့်လုပ်သွားကြမှာဖြစ်တယ်။
တကယ်တန်း န.အ.ဖ ဟာ ရှေ့ ကို တိုးတိုး နောက်ကိုဆုတ်ဆုတ် သူတို့ အတွက် အ၀ီစီ ပဲ ရှိတယ်ဆိုတာကိုသိလို့ ရှိနေတဲ့နေရာက အထက်ကိုတက်ဖို့လှေကား ထောင်လိုက်တာဖြစ်တယ် ။ ဒါပေမယ့် သူတို့ လွတ်မြောက် ချမ်းသာစည်းစိမ်တည်မြဲရေး ၊ လမ်းကြောင်းအတွက်ထောင်တဲ့လှေကားဟာ ရဟန်းရှင်လူ ကျောင်းသား ပြည်သူလူထုနဲ့တပ်မတော် သားတွေရဲ့ အရိုးတွေဖြစ်တယ် အသက်တွေဖြစ်တယ် သွေးချွေးတွေ ဘ၀တွေဖြစ်တယ်။
ဒီတော့ ကျနော်တို့တွေ ဟာ န.အ.ဖ ထောင်တက်မယ့် လှေကားအဖြစ်ခံမလား ..... န.အ.ဖ စစ်အာဏာရှင်စနစ်ကို နိဂုံးချုပ်အောင် ပြတ်သားစွာ မြေမြှုပ်သုတ်သင်မလား ........... ။
နိဂုံးချုပ် အနေနဲ့ ပြန် ပြီး ကိုးကားလိုတာကတော့ ဗိုလ်ချုပ်အောင်ဆန်းနဲ့ ဒေါ်အောင်ဆန်းစုကြည်တို့စကားပဲ... ကျနော်တို့ အဆိုးဆုံးကို ပြင်ကြပါစို့..။
ရဲဘော်ငြိမ်း
မျိုးချစ်ဒီမိုကရက်တစ်တပ်ပေါင်းစု
Read More...
Collapse...
ခင်မင်လေးစားရပါသော ညီတော်၊ညီမတော်၊အစ်မတော်၊အစ်ကိုတော်၊ ရဲဘော်၊ရဲမေအပေါင်းတို့အား ကျွန်တော်လှိုက်လှိုက်လှဲလှဲတောင်းဆိုပါသည်။ လေးလေးနက်နက်ဝိုင်းဝန်း၍ ကူညီပေးပါရန်လည်း အနူးညွတ်ထားပြီးပြောကြားလိုပါသည်။
ဘာလိုလည်းဆိုတော့ အချိန်တွေသည်မြန်မြန်ကြီးကုန်သွားသည်မှာ ၈၈ အရေးခင်းမှာမနေ့ ကကဲ့သို ၊ ၁၉၉၀ ရွေကောင်ပွဲဖြစ်ခဲ့သည်မှာမနေ့ကကဲသို့ စက်တင်ဘာဆိုသည်မှာမနေ့ ကကဲ့သို့  .. ကုန်သွားနေပေသည်။
စစ်အစိုးရ က တိုက်ပွဲ ခေါ်လိုက်ပြီ ၊ ခေါင်းငုံမခံနဲ့ လက်တုန်ပြန်ကြစို့  ။ စစ်အစိုးရ ကမေလမှာ အခြေခံဥပဒေကို ဆန္ဒခံယူပွဲ ကျင်းပဖို့ ကြေညာ လိုက်ပါပြီ။ ရွေးကောက်ပွဲကိုတော့ ၂၀၁၀ မှာ ပြုလုပ်မယ်လို့  အေပီသတင်းမှာ ဖေါ်ပြထားပါတယ်။ ဒါဟာ စစ်အစိုးရဟာ အာဏာကို တလက်မမှ မလျော့ ဘူးလို မျက်နာ့ပြောင်တိုက် ကြေညာလိုက်ပြီဖြစ်ပါတယ်။
မေးခွန်းကတော့
၁- ကျွန်တော်တို့ ဘာလုပ်ကြမလည်း
၂- ဆန္ဒခံယူပွဲ ကို ၁၉၇၄ ခုနစ်တုံးကလို ပဲ လက်ပိတ်ကြည့် နေမလား
၃- တိုက်မလား၊တိုက်မယ်ဆိုရင် ဘယ်လို တိုက်မလည်း၊ဘာတွေလုပ်မလည်း
၎- သေနဂဗျုဟာ၊ ဘယ်လောက်ပြင်ဆင်ပြီးပြီလည်း၊ ဒါတွေကို ကျွန်တော်တို့ လုပ်ကိုလုပ်ရတော့မယ်၊
ကျွန်တော်တို့ ဒါကို လုပ်ချင်တယ်၊လုပ်မယ်ဆိုသော ၊ဒါကျွန်တော်တို့ ရဲ လုပ်ကိုလုပ်မှာ၊လုပ်မယ်ဆိုသော စကားကိုပြောရမယ့် အချိန်ရောက်ပြီလို့ မြင်ပါတယ်၊
ကျွန်တော်တို့တာဝန်က ဒီမိုကရေစီအောင်လံကို လက်ဆင့်ကမ်းကာသယ်ဆောင်ရမယ်၊ ကိုယ်လုပ်ရမယ့်တာဝန်ကို သယ်ဆောင်ရမှာ၊ လွဲပြောင်းပေးရမှာ၊ ပေးရမယ့်သူက ဒီမိုကရေစီပန်တိုင်ကိုရောက်အောင်ပြေးရမယ့် ၁၉၉၀ပြည့်နှစ်ရွေးကောက်ပွဲမှာ ပြည်သူက ရွေးချယ်တင်မြှောက်လိုက်သော ပါတီတွေအားလုံးရဲ့ ကိုယ်စားလှယ်တွေ၊ ဗိုလိခူပ်အောင်ဆန်းပြောခဲ့ သော တာဝန်ယူခြင်း၊ တာဝန်ခံခြင်းမျိုးကို ဒီပါတီတွေကိုတာဝန်ခံခိုင်းဖို့ သိုင်းဝိုင်း၊ ၀ိုင်းဝန်းပံ့ပိုးရမှာကျွန်တော်တို့ အားလုံးရဲ့ တာဝန်၊ ပြည်သူတွေရဲ့ တာဝန်၊ တိုင်းရင်းသားအားလုံးရဲ့ တာဝန်ပြန်လည်ကြရောက်လို့ လာပါပြီ။ တစ်နှစ်အတွင်း လွတ်လပ်ရေး ရရမည်ဟု ကြွေးကြော်ရင်း ဖဆပလသည် လုပ်ဆောင်၏။ မှန်ပါသည်။ ထို့အတူ တနှစ်အတွင်း ဒီမိုကရေစီကို ရရမည်ဟု ကြွေးကြော်ရင်း NLD က လုပ်ဆောင်သင့်သလို အားလုံးသောပြည်သူတွေ၊ တော်လှန်ရေးအဖွဲ့စည်းအသီးသီး၊ လက်နက်ကိုင် အသီးသီးမားမားမှတ်မှတ်ရပ်သင့်ပြီဟု လိုကြောင်းပြင်ပြင်းထန်ထန်တောင်းဆိုပါသည်။ အားလုံးက ဒီမိုကရေစီ၊ ပြည်သူကတင်မြှောက်သော ပြည်သူအစိုးရကို အကောင်အထည်ပေါ်ရန် ၁၀၀% တာဝန်ရှိသူနှင့် အပြည့်အ၀ပံ့ပိုးရပ်တည်ပေးရမည်မှာ ပြည်သူတွေ၊ တော်လှန်ရေး အဖွဲ့စည်းအသီးသီး၊ လက်နက်ကိုင်အသီးသီးဖြစ်ပြီး၊ ထိုအားကိုအခြေခံပြီးတော့မှသာNLD သည်ပန်းတိုင်ကိုချီတတ်နိုင်မည်ဖြစ်သည်။
ထို့အတွက်ကြောင့် ကျွန်တော်တို့အားလုံးမှာလုပ်စရာတစ်ခုဘဲရှိပါတော့တယ်။ ကျွန်တော်တို့ ဘာကိုလုပ်မယ်ဆိုတာဘဲပြောဖို့ပဲရှိတော့တယ်၊ ကျွန်တော်တို့အလုပ်က အလံကိုသယ်သွားပြီး ၁၉၉၀ပြည့်ရွေးကောက်ပွဲမှာ အောင်ပွဲရသော အနိုင်ရပါတီလက်ထဲကို ထည့်ပေးလိုက်ရမယ်၊ အနိုင်ရပါတီခေါင်းဆာင်တွေ၊ ရွေးချယ်ခံရသောပါတီခေါင်းဆောင်တွေကနေ ဆက်ပြီးတော့ သယ်ဆောင်ပေးလိမ့်မယ်။ ဒါကိုပြည်သူတွေ၊ တိုင်းရင်းသားတွေက၊ ပြတ်ပြတ်သားသားဝိုင်းဝန်းပံ့ပိုးရမယ်။ ဒီလိုလုပ်ပြီး NLD ကို အခွင့်ရေးပေးကိုပေးရမယ်ဘာလို့လည်းဆိုတော့ပြည်သူတွေကနေ NLD ကိုတိုင်းပြည်ရဲ ကံကြမ္မာကိုလုပ်ဆောင်ပေးဖို့mandate ပေးထားလို ဆက်လက်ပြီးတော့၊ ဒီအခွင့်အရေးကိုပေးသင့်တယ်။ ပေးကိုပေးရမယ်ဆိုတာကို ထိုအတူ ဘလောက်ညီအစ်ကိုတွေကနေအားလုံးတူညီသောအခြေအနေကို ၀ိုင်းပြီးလုပ်ဆောင်သင့်တယ်ဆိုတာ တောင်းဆိုပါတယ်။ ကျွန်တော်တို့ တွေ ဒီတစ်ခါမှညီညာသေခြေလှမ်း၊ စွန့် လွတ်အနစ်နာခံခြင်း၊ အကြွမ်းမဲ့ယုံကြည်မှုကိုတစ်ဦးအပေါ်မှာ တစ်ဦးမထားဘဲ နေကြအုံးမယ်ဆိုရင်တော့ ကျွန်တော်တို့မမြင်ရသေးသော အားလုံးသော နောင်မျိုးဆက်တွေရဲ့ဘ၀ဟာ ယခုထက်ပိုပြီး ဆိုးဝါးနိုင်တယ်ဆိုတာကိုတော့ သတိပြုမိကြစေချင်ပါသည်။
အမျိုး၊သာသနာ၊အတွက်အားလုံးအဆင်သင့်ဖြစ်ကြပြီလား၊ ဖြစ်ကြပြီဟုထင်ပါသည်။
ခင်မင်လေးစားရပါသော ညီတော်၊ညီမတော်၊အစ်မတော်၊အစ်ကိုတော်၊ ရဲဘော်၊ ရဲမေအပေါင်းတို့ ထံမှထိရောက်သောအလုပ်၊ ထိရောက်သောအတွေး၊ အမြင်အားလုံးကို ပြန်ကြားပေးစေလို ပါတယ်။
၂၀၀၈ နှစ်မကုန်ခင်မှာ
ရွေဝါရောင်တော်လှန်ရေးအောင်ရမည်၊
ဒေါင်းအလံကျောင်းဝင်းတိုင်းမှာပြန်စိုက်နိုင်ရမည်။
( ဆက်လက်၍ဖြန့် ဝေကာပေးပါရန်တောင်းဆိုပါသည်။)
ခင်မင်လေးစားစွာဖြင့်
စိုင်းမွန်
letworktogether@gmail.com
Read More...
Collapse...
စနေမိုးနှင့်တနင်္ဂနွေအလွမ်း
နက်ရှိုင်းစိမ့်ဝင်နေတဲ့
အလွမ်းခါးခါးတွေကို
မိုးကသာ ငြိမ်းသတ်နိုင်မယ်ဆိုရင်
ကြောက်မက်ဖွယ်လျှပ်သံတွေထဲ
ကိုယ်တစ်ယောက်တည်း သွားရဲပါတယ် .. ။
တစ်ညနေလုံး
မိုးမင်းက အသံပေးလို့
လျှပ်ကုံးလျှပ်ပွင့်တို့ အလွင့်လွင့်ဖြာ
မကြာမီ မိုးစက်သံတဖြောက်ဖြောက်
ရင်ခွင်တံခါး လာရိုက်ခတ်ချိန်
ကိုယ်မျှော်နေမိတာတစ်ခုက
နွေးထွေးသော ချစ်သူလက်ဖ၀ါးတစ်စုံ .. ။
မိုးစက်ကျသံကလွဲ
တိတ်ဆိတ်လှပနေတဲ့ စနေည
အလွမ်းလေးတွေ တဆစ်ဆစ်ပျော်ဝင်လို့
ကြိုတင်ရင်ခုန်ကြည်နူးနေတာ
မနက်ဖြန်အတွက် မျှော်လင့်ချက်များ .. ။
ဒါပေမယ့် .. ရုတ်တရက်
ချွန်မြတဲ့ အသိတရားဓါးတစ်လက်
ကောင်းကင်ကိုဝင်းခနဲဖြိုချ
ချောက်ချားစရာအော်မြည်
ကျိန်စာသင့်နတ်တစ်ပါးလို
အမှောင်အတိဖုံးလွှမ်းခဲ့တယ် .. ။
ကြယ်တွေလည်းငို
ကောင်းကင်လည်းပြို
မိုးစက်တွေစို
အလွမ်းနဲ့သဲသဲမဲမဲကျွမ်းလောင်
ပြင်းပျတဲ့မိုးချုန်းသံတွေကြား
ရောင်နီမလာတဲ့ ဒီကောင်းကင်အောက်
တနင်္ဂနွေမိုးလျှပ်သံတွေကို
ကိုယ်တစ်ယောက်တည်း .. ကြိုရတော့မယ် … ။
လင်းလက်ကြယ်စင်
Read More...
Collapse...
