ရင်ထဲကရွှေနိုင်ငံ(၃)

ရင်ထဲကရွှေနိုင်ငံ (၁) နဲ့ (၂)အပြီး အမှတ်(၃)ကို မရေးတာ ကြာခဲ့ပြီ။ အခုတော့ ရင်ထဲက ရွှေနိုင်ငံအကြောင်းကို လက်သုပ်စုံတစ်ပွဲလို ရေးလိုက်ိပါတယ်ရှင်။

ကျမ စင်ကာပူရောက်ကာစက IELTS ဖြေဖို့အတွက် ကျောင်းတက်ခဲ့တုန်းက တခြားအတန်းက သူငယ်ချင်းတစ်ယောက်နဲ့ မနေ့က ပြန်တွေ့တယ်။ သူနဲ့ကလည်း ၂၀၀၄ကတည်းက မတွေ့တာဆိုတော့ အတော်ကြာနေတာနဲ့ သူငယ်ချင်း ၂ယောက် ကော်ဖီဆိုင်ထိုင်ရင်း စကားပြောဖြစ်ကြတာပေါ့။ ကျမလည်း စာမေးပွဲအကြောင်း ပြောပြရင်း သူ့အကြောင်းတွေ မေးမြန်းကြည့်တော့ သူလည်း စိတ်ညစ်စရာတွေ ရင်ဖွင့်တယ်။ နောက် စကားကြုံရင်း သူက မြန်မာပြည်ကို သူအလည်သွားခဲ့ကြောင်းပြောတော့ ကျမလည်း မျက်ခုံး၂ဖက်မြင့်သွားတယ်။ ဘုရား ဘုရား ငါတော့ ဘာတွေကြားရအုန်းမလည်းဆိုပြီး ရင်တော့လေးမိသား။ သူက မြန်မာပြည်က သိပ်လှကြောင်းပြောတော့ သဘောကျလို့ မဆုံးခင် သူဆက်ပြောတဲ့စကားက `မင်းတို့နိုင်ငံက တော်တော်လေး ဆင်းရဲတယ်ဆိုတာ ငါအရင်ကတည်းက သိပါတယ်။ ငါထင်တာက အစိုးရလညး သိပ်မကောင်းဘူး။ နောက် ရေမြေတောတောင်လည်း ပါနေတယ်လို့ထင်နေတာ။ ဧရာဝတီမြစ်ကြီးလည်း ငါမြင်ခဲ့တယ်။ စိုက်ခင်းတွေ ရေနံတွင်းတွေ ရှိတယ်ဆိုတာလည်းသိခဲ့တယ်။ သစ်တော အကုန်ရှိနေတာ ဘာများကျန်သေးလည်း။ နိုင်ငံကရွှေပါ´တဲ့။ သူသိချင်တာတွေမေးတော့ ကျမလည်း ဒီပေါင်ကိုပြန်လှန်ထောင်းရမယ်ဆိုတာ နားလည်လိုက်ပါတယ်။ သူက အစိုးရ သိပ်မကောင်းတာ လီကွမ်ယုတို့ မကောင်းသလိုမျိုးထင်နေတာကိုး။ လီကွမ်ယုထက် အဆ ၁သိန်းဆိုးတဲ့ မြန်မာပြည်အစိုးရကို အခုမှသိသူအဖို့ အတော်လေးလန့်သွားမှာပေါ့။ ငပလီကမ်းခြေက သိပ်လှတယ်လို့ သူပြောတာက နဂါးပလီက သိပ်လှတယ်တဲ့။ စာလုံးပေါင်းပြင်ပေးရင်း သူဆက်ပြောတာက `မင်းတို့ရန်ကုန်မြို့လယ်မှာ လူကူးမျဉ်းကြားက ဘာလုပ်ဖို့အတွက်လည်း´လို့ ဆက်မေးပါတယ်။ ကျမလည်း အော်တိုသဘောပေါက်လိုက်ပါပြီ။ ဆူးလေလမ်းမှာ လူကူးမျဉ်းကြားကနေ သူက ကူးဖို့လုပ်တော့ စင်ကာပူလို့ ထင်နေခဲ့မှာပေါ့။ ဟိုမှာ ကားတွေက မရပ်ပေးတော့ သူလည်း ကြောက်ကြောက်နဲ့ သူများကူးမှ အသကုန်ပြေးကူးခဲ့ရတယ်လို့ ရယ်ရယ်မောမောပြန်ပြောပေမယ့် ကျမတော့ မျက်နှာနီရဲနေပြီ။ `ရန်ကုန်မှာ အိမ်သာဝင်ချင်တာ အိမ်သာရှာမရတာတော့ တော်တော်မကောင်းဘူး´လို့ သူပြောတော့ အမြဲ စကားကို ဒတ်ခနဲပြန်ပြောတတ်တဲ့ကျမ အဲဒီတစ်ခေါက် အသွားပါတယ်။ ဘာပြန်ပြောရမှန်းမသိတော့ သွားလေးပဲပေါ်အောင်မချိပြုံးလေးနဲ့ ခေါင်းညိတ်လိုက်ရတယ်။ စင်ကာပူမှာတော့ အပေါဆုံးက အိမ်သာနဲ့ဖုန်းပါ။ နေရာတိုင်းမှာ Toilet တွေက ရှိနေပြီး ဆက်သွယ်ရေးအတွက် ဖုန်းက ကမ္ဘာပေါ်မှာအပေါဆုံးဖြစ်အောင် ထားထားပါတယ်။ နိုင်ငံသေးတော့ သူတို့လုပ်နိုင်တာကိုတော့ ဘာမှမပြောလိုပါဘူး။ မြန်မာပြည်မြို့လယ်ခေါင်မှာ သန့်သန့်ပြန့်ပြန့်လမ်းဘေး အိမ်သာမရှိတာတော့ ဒွတ်ခ။ သမီးမင်္ဂလာဆောင်တာတော့ ၁ သန်းကုန်အောင်ဆောင်တယ်။ ကိုယ့်နိုင်ငံအရှက်ကိုတော့ ကမ္ဘာကသိအောင် ခွဲရက်လေစ နအဖရယ်။ မြန်မာပြည်က ရွှေတိဂုံစေတီတော်ကိုကြည့်ပြီး သူငယ်ချင်းက မင်းတို့နိုင်ငံက ရွှေအတော်ပေါတယ်လို့ ပြောတဲ့တချက်လေးကိုပဲ ကြည်နူးခဲ့ရပါတယ်။

သူငယ်ချင်းနဲ့လမ်းခွဲပြီး အိမ်ပြန်လာတော့ အတွေးတွေ အများကြီးရမိတယ်။ သူများနိုင်ငံသားတွေနဲ့ စကားချင်းယှဉ်ပြောတိုင်း အောက်ကျလိုက်ရတဲ့ ဒီမျက်နှာ ဘယ်နားသွားထိုးထည့်ရမှန်းတောင်မသိတော့ဘူး။ သောကြာနေ့ညနေတိုင်း စာကြည့်တိုက်မှာ ကျမ စာသွားဖတ်ပါတယ်။ နယူးရောက်သတင်းစာတွေအပါအ၀င် နိုင်ငံစုံသတင်းစာတွေ စာကြည့်တိုက်မှာရတဲ့အပြင် တိတ်ဆိတ်နေတဲ့ အဆောက်အအုံထဲမှာ အဲကွန်းနဲ့အေးဆေး စာဖတ်ရတာကို ကျမနှစ်ခြိုက်တယ်။ စာကြည့်တိုက်မှာ သောကြာနေ့ညနေတိုင်း စာလာဖတ်တဲ့ ဘော်ဒါတွေနဲ့ တခါတုန်းက စကားတိုးတိုးပြောရင်း အန်တီတယောက်က မင်းတို့နိုင်ငံသတင်းစာ မရှိဘူးလားတဲ့။ ကျမလည်း `ငါတို့နိုင်ငံသတင်းစာက နာမည်ကြီးလွန်းပြီး ရောင်းအားသိပ်ကောင်းတော့ ပြည်ပကို ဖြန့်ဖို့မလောက်ဘူး´လို့ ခပ်တည်တည်နဲ့ ပြောလိုက်တော့ ဘေးက မြန်မာသူငယ်ချင်းက ရီနေပါတယ်။ အန်တီကြီးကလည်း ကျမ လျှောက်ပြောနေတာကိုမသိဘဲ အင်တာနက်ကနေ ဆွဲလို့မရဘူးလားတဲ့။ ကျမလည်း `အင်တာနက်ပေါ်က သတင်းစာတွေက ငါတို့ဘာသာစကားဆိုတော့ မင်းနားမလည်ဘူး´လို့ ပြန်ပြောလိုက်ပါတယ်။ ကိုယ့်နိုင်ငံ သတင်းစာကို သူတို့မသိသေးလို့ပါ။ သိရင် တသက်လုံးလှည့်ကြည့်တော့မှာတောင် မဟုတ်ဘူး။ အစိမ်းနဲ့ အ၀ါပဲ ရှိတဲ့ သတင်းလွတ်လပ်ခွင့်လုံးဝမရှိတဲ့ သတင်းစာက စာအုပ်မျက်နှာဖုံးလုပ်ဖို့လောက်ပဲ အသုံးဝင်ပါတယ်။ ရန်ကုန်မှာနေတုန်းကဆို ၈နာရီထိုးတာနဲ့ အားလုံးက TV ကိုပိတ်လိုက်ပါတယ်။ သူတို့တွေမြင်ရတာ ကျက်သရေ တုံးလွန်းလို့ပါ။

စကားမစပ် --- မောင်လေး ထူးမြတ်ဘလော့ခ် စီဗောက်စ်က ဗုံးကျဲခံထားရတဲ့ ကိစ္စတွေ တခါတည်း ထည့်ပြောသွားအုန်းမယ်။ သူ့ဘလော့ခ်တောင် မရောက်တာ အတော်ကိုကြာခဲ့ပေါ့။ ဘာတဲ့ လင်းးလက်မျက်လုံးထဲ အခုထိမြင်ယောင်နေတာ လူတစ်ယောက်ပြောသွားတဲ့ ` ငါလည်းစစ်သားပဲ။ မင်းတို့ပြောနေတဲ့ စစ်သားမျိုးတော့ မဟုတ်ပါဘူး။ ငါတို့နိုင်ငံမှာ စစ်သားတွေက သူများတွေနဲ့မတူတဲ့ လမ်းဖောက်တာတွေလုပ်တယ်။ ငါသိတာတော့ ပြည်သူတွေက ငါတို့ကိုမြင်ရင် ဟိုဟာလေးကူညီပါ ဒါလေးရွက်ပေးပါ´တဲ့။ အမည်မဖော်လိုသူ ဘယ်တိုင်းပြည်ကမှန်းမသိတဲ့ စစ်သားတစ်ဦးပြောသွားချက်ပါ။ ကျမ အခုမှအချိန်ရတာနဲ့ အဲဒီစကားကို အခုရှင်းမယ်နော် ကိုအ၀ှာ။ ကျမတို့အားလုံးရေးသားချက်တွေမှာ စစ်သားအားလုံးလို့ မဆိုလိုခဲ့ပါဘူး။ စစ်သားတွေဆိုသော အသုံးအနှုန်းနဲ့ စစ်သားအားလုံးဆိုသော အသုံးမှာ သိပ်ကိုကွာပါတယ်။ စာတတ်သူဆိုရင် နားလည်မှာပါနော်။ ငါးခုံးမတစ်ကောင်ကြောင့် တစ်လှေလုံးပုပ်ဆိုသလိုပဲ။ အာဏာရှင်ခေါင်းဆောင်တွေအားလုံးက လူတွေစိတ်ဓါတ်ကိုဖျက်ဆီးပြီး တိုင်းပြည်ကိုချစ်သော တကယ့်စစ်သားတွေအားလုံးကိုပါ ဖျက်ဆီးခဲ့တော့ အများစုက ကျမတို့ပြောသလိုစိတ်မျိုးဝင်နေတယ်ဆိုတာ သိပါတယ်။ အခုလို ထူးမြတ်ဘလော့ခ်မှာ လာပြောသွားတဲ့ ကိုအ၀ှာစစ်သားက အိမ်တွင်းပုန်းထင်ပါတယ်။ ဒါကြောင့် ကျမတို့ပြောနေတာတွေ နားမလည်တာပါ။ တစ်တပ်လုံးနီးပါး ဒီအဖွဲ့အစည်းတွေအားလုံး မကောင်းတော့ ကောင်းသူတွေလည်း ဒီလိုပဲထင်ခံရမယ်ဆိုတာ သဘာဝပါ။ ကျမ ဥပမာပေးမယ်။ ဥပမာ -- ရှင်က သူခိုးအဖွဲ့အစည်းနဲ့ တအိမ်တည်းနေတယ်ဆိုပါစို့။ ရှင့်ကို ပတ်ဝန်းကျင်ကမြင်ရင် သူခိုးလေးလို့ပဲ သတ်မှတ်ကြမှာပဲလေ။ ရှင်တို့ ကိုယ်ကျင့်တရားနဲ့ ရှင်တို့ဘာလုပ်တယ်ဆိုတာ ဘေးက အကုန် ဘယ်သိမှာလည်းရှင်။ ဒီပုတ်ထဲနေရင် ဒီပဲလို့ပဲ အများစုက သတ်မှတ်ကြပါပဲ။ ဒါကို ရှင်က မကျေနပ်ရင် ဘာလုပ်မှာလည်း။ ထွက်လိုက်ပေါ့။ ထွက်ရင်လည်း စစ်ပြေးပဲလေဆိုတာ မမေ့နဲ့အုန်း။ အဲဒီတော့ ၀ဋ်ရှိသမျှ ကောင်းသောစစ်သားတွေလည်း ခံလိုက်ကြပါအုန်း။ စစ်သားတွေ လမ်းဖောက်တယ် တံတားဆောက်တယ်ဆိုတာ အောက်ခြေက စစ်သားတွေပဲလေ။ သူတို့ကုသိုလ်တော့ရပါတယ်။ ဒါကို လက်ခံပါတယ်။ ဒါပေမယ့် ပြည်ပမှာ ဒါမျိုးတွေမရှိဘူး မသတ်မှတ်ပါနဲ့။ ပြည်ပမှာ လမ်းဖောက်ဖို့က စစ်သားတွေ မလုပ်ပါဘူး။ စည်ပင်သာယာက သူ့အလုပ်သူ ကျေပွန်အောင်လုပ်တဲ့အတွက် မလိုအပ်တာကို အပိုမရှုပ်ကြပါဘူး။ ဒီက လူကို လူလိုသဘောထားပြီး အားလုံးအဆင်ပြေအောင် ဆောင်ရွက်ကြပါတယ်။ မြန်မာပြည်က မြန်မာလူမျိုးကို လူလို့မသတ်မှတ်တာ အားလုံးသိပါတယ်ရှင်။ ရှင်တို့စစ်သားကောင်းတွေ ပြောစကားအရ မြန်မာပြည်မှာ စစ်သားတွေမြင်ရင် အမေအိုတွေက ဟိုဟာလေးကူညီပါပြောသောစကားဆိုရင် ရှင်တို့နဲ့အတူ သူတို့လည်း မြေကြီးလိုက်သယ်နေရပုံပဲ။ ဒီမှာ ဘယ်မြေကြီးမှသယ်စရာမလိုတဲ့အတွက် အဲဒီစကားကိုမသုံးဘူးဆိုတာ နားလည်ထား ကိုအ၀ှာရေ။ တအိမ်ကိုတယောက် ထွက်ပြီးမြေကြီးကျင်းတူးရမယ်ဆိုသော ပြဿနာကြောင့် မစုစုနွေးတစ်ယောက် ကမ္ဘာကျော်သွားတယ်ဆိုတာ မမေ့နဲ့နော်။ အဲဒီလိုများများဖိနှိပ်လေ မစုစုနွေးလို လူတွေ အများကြီးထွက်ပေါ်လာမယ်ဆိုတာ မတွေးတတ်တဲ့ ရှင်တို့ဦးနှောက်တွေကို မစင်တွင်းထဲ စိမ်ထားချင်ပါ့။

ကျမ General ကိုပြောမယ်။ မြန်မာပြည်စစ်တပ်ရဲ့ ထိပ်ပိုင်း အကြီးအကဲတွေကို နမူနာအဖြစ်ကြည့်ပါ။ နိုင်ငံခြားရေး ၀န်ကြီး နိုင်ငံခြားဘာသာစကား တတ်ပါသလား။ ပညာရေးဌာနအကြီးအကဲ ဘယ်နိုင်ငံက အသိမှတ်ပြုထားသော ဘွဲ့ကိုပိုင်ဆိုင်ထားပြီး မြန်မာပြည်ပညာရေးကို ချုပ်ကိုင်ထားပါသလည်း။ စီးပွားရေးနှင့် ကူးသန်းရောင်းဝယ်ရေးဌာနက ထိပ်ဆုံးအကြီးအကဲက Harvest University ကများ ဆင်းလာပါသလား။ သူများနိုင်ငံအစိုးရတွေ ကမ္ဘာနဲ့ယှဉ်စကားပြောနေတဲ့အချိန်မှာ မြန်မာပြည်က သန်းရွှေက ပြုံးပြုံးကြီးနဲ့ Guide စကားကိုနားထောင်ပြီး လိမ်ဖို့အသင့်ပါပဲ။ ကိုမောင်အေးကတော့ အရက်ကြားမှာ မျောနေတာပါပဲ။ ဒါက ထိပ်ပိုင်းပါ။ အောက်ပိုင်းကလူတွေအဆင့်ကနေ ကျမ ပြန်ထောက်ပြမယ်။ စစ်သားတွေထဲမှာ ဆရာဝန်တွေ ပါသလား။ အင်ဂျင်နီယာတွေပါသလား။ မြန်မာပြည်ဇတ်ကားတွေမှာတောင် ရိုက်ကြတယ်နော်။ ဖဲရှုံးလို့ ထွက်ပြေးရင်း စစ်ထဲရောက်သွားသောလူ ၊ ဆိုးလွန်းလို့ မိဘတွေက စစ်တပ်ထဲ ထည့်ခံရသောသူ ၊ ကြက်ခိုးရင်း စစ်ထဲရောက်သွားသူတွေပဲ များပါတယ်။ အများစုက ဒါတွေချည်းပါပဲ။ မြန်မာစစ်တပ်ကို သိပ်ချစ်လွန်းလို့ သိပ်ကိုထူးချွန်သော ဦးနှောက်ရှိသူများ ဘယ်သူများ စစ်တပ်ထဲဝင်သွားသလည်း။ ရှိရင် လာပြပါ။ ဒိုင်းဆုပေးလိမ့်မယ်။ အပေါ်မရောက် အောက်မရောက်ဘဲ အလယ်အဆင့်မှာ ပညာတတ်သူများလည်း ရှိပါတယ်။ ကျမနဲ့ အပြင်မှာ တော်တော်ခင်ခဲ့တဲ့သူတွေရှိပါတယ်။ သူတို့ကတော့ ဟိုးတုန်းကတည်းက စစ်တပ်ထဲ ရောက်သွားခဲ့သူတွေပါ။ သူတို့ကိုယ်တိုင်က နအဖကို မုန်းပေမယ့် စစ်ပြေးမဖြစ်ချင်တဲ့ဘ၀မှာ သည်းခံပြီး နေနေရတာပါပဲ။ တကယ်ကို မှန်ကန်သူဆိုရင် ဒီလိုပြောပါတယ် `ပြည်သူတွေက စစ်သားတွေကို ကြည့်တဲ့အကြည့်ကို ကျွန်တော်တို့တအားခံစားရတယ်ဗျာ´တဲ့။ မယုံရင် ယူနီဖောင်းဝတ်ပြီး ဘတ်စ်ကား တယောက်တည်းသွားစီးကြည့်။ အားလုံးက ရှင်နဲ့ခပ်ခွာခွာနေလိမ့်မယ်။ ထိရမှာ သိပ်ကိုရွံကြလိမ့်မယ်။

အရင်တစ်ချိန် ခင်ညွန့်ဆိုသော အခြောက်ကောင်းစားချိန်က စသုံးလုံးထဲမှာ ကျမဦးလေးဖြစ်သူရဲ့ အထက်အရာရှိအကြောင်းကို သိပြီးချိန်မှာ ရာထူးမြင့်သူများအဆင့်ကို တန်းကနဲ သဘောပေါက်ခဲ့ပါတယ်။ စစ်တပ်မှာ ခိုင်းတာလုပ် ၊ ကျွေးတာစား ၊ အမိန့်ကိုနာခံသူဆိုရင် အပေါ်ကလူတွေက သိပ်ကြိုက်တယ်။ မြန်မာပြည်စစ်တပ်စနစ်က `မင်းအမှန်ကိုသိပြီးတကယ်ကိုထူးချွန်နေလား ဂျောင်း ၊ ဟိုကောင် ခိုင်းတာအကုန်လုပ် ဘာမှမသိ ဘာမှပြန်မပြောသော ငတုံးလား လာခဲ့ ရာထူးမြင့်မြင့်ယူ´ ဆိုသော စနစ်ပါပဲ။ ထောက်လှမ်းရေးက အရာရှိဆိုလို့ အဖေနဲ့စကားပြောနေတာ နားထောင်မိပါတယ်။ ဘာကိုမှ အသိဥာဏ်မရှိသူဆိုတာ အဖေနဲ့ပြောနေတာ နားထောင်ကတည်းက တန်းကနဲ သဘောပေါက်လိုက်ပါတယ်။ ကျမအဖေက ကျမကို အဲဒီတုန်းက `တွေ့လားသမီး ။ အဲဒါ အရာရှိတဲ့´ ဆိုပြီး အထာနဲ့ပြောတော့ ကျမက ရီလိုက်ပါတယ်။ ကျမတို့အိမ်မှာတော့ စည်းကမ်းတစ်ခုရှိပါတယ်။ ခြံရိပ်ကိုတောင် စစ်သားမနင်းရ။ အမျိုးတွေထဲက သူလည်းမလာရ။ အပြင်မှာဆို စကားပြောတယ်။ အိမ်ကို အလာမခံပါဘူး။ စစ်သားတစ်ယောက်လာရင် ပတ်ဝန်းကျင်က အဲဒီအိမ်ကိုစိမ်းသက်သက်ဆက်ဆံတဲ့အပြင် ခပ်ခွာခွာနေတာကို ကျမတို့မလိုချင်ပါဘူး။

ရင်ထဲကရွှေနိုင်ငံက လောလောဆယ်တော့ အညစ်ကြေးတွေဖုံးလွှမ်းနေပါတယ်။ စစ်တပ်ရဲ့ ယုတ်မာမှုတွေက ပြောမကုန်နိုင်အောင် ဖြစ်နေတာကို ကျူပ်တို့အားလုံး လျစ်လျူရှုနေလို့မရပါဘူး။ မိမိနဲ့သက်ဆိုင်ရာ ၊ မိမိတတ်နိုင်ရာဘက်ကနေ အကောင်းဆုံးထိ ကြိုးစားသွားရမယ်ဆိုတာ ရင်ထဲမှာအားလုံးရှိနေပါစေဟု တောင်းဆုပြုရင်း အမှန်ပြောသူ ရေးသူများကို မကျေနပ်သူများ တိုင်နဲ့ခေါင်းသာ ဆောင့်လိုက်ပါဟု အကြံပြုရင်း

လေးစားလျက်

လင်းလက်ကြယ်စင်