Monday, January 07, 2008

(၇)ရက်နေ့အမှတ်တရ ၀တ္ထုတိုတစ်ပုဒ်


(၇)ရက်နေ့က ကျွန်မဘ၀အတွက် အမှတ်တရပေါင်းများစွာနဲ့ ဖန်တီးထားတဲ့ နေ့စွဲလေးတစ်ခုပါ။ (၇)ရက်နေ့ရောက်ခါနီးပြီဆိုရင် ကျွန်မ အလုပ်များရပြီ။ မတူညီတဲ့ အတွေးလေးတွေကို စဉ်းစားပုံဖော်ရင်း (၇)ရက်နေ့တိုင်းကို လှလှပပကြိုဆိုတတ်တာတော့ ကျွန်မရဲ့ ရီစရာအပြုအမူတွေပါပဲ။ အလှူလေးတစ်ခုလုပ်မလား ၊ အမှတ်တရလေးတစ်ခုခု လုပ်မလား စဉ်းစားရင်း (၇)ရက်နေ့ဆိုတာ ရောက်လာခဲ့ပြန်ပေါ့။ နိုဝင်ဘာ(၇)ရက်နေ့မှာတော့ မှတ်မှတ်ရရ စာအုပ်(၈)အုပ်ကို လမ်းပြကြယ်စာကြည့်တိုက်မှာ သွားလှူဖြစ်လိုက်တယ် .. ။ ဒီလရဲ့ (၇)ရက်နေ့မှာတော့ အလုပ်တွေများနေတဲ့ ကျွန်မအတွက် ထူးထူးခြားခြား မစီစဉ်ဖြစ်ဘူးဆိုတာ သိလိုက်ရတာမို့ ဘလော့ခ်ပေါ်ကနေပဲ စာဖတ်သူတွေကို စာရေးဆရာမဂျူးရဲ့ ၀တ္ထုတိုတစ်ပုဒ်ကို ကျွန်မစာပြန်စီပြီး မျှဝေပေးလိုက်ပါတယ် . ။ မဖတ်ရသေးတဲ့သူများ ကြိုက်နှစ်သက်မယ်လို့ မျှော်လင့်မိပါတယ်။ အထူးသဖြင့် မေတ္တာရေးရာနှင့်ပတ်သတ် ပူလောင်ရသူများ ၊ အချစ်ဆိုတာ ကိုယ်လိုချင်မှုတွေအားလုံးကိုပဲ မျှော်လင့်ရယူချင်နေခဲ့ရင် ဒီဝတ္ထုတိုလေးကို ဖတ်ကြည့်ဖို့ အကြံပြုချင်ပါတယ်။ ချစ်တဲ့သူတိုင်း အချင်းချင်း အပြန်အလှန် ပျော်ရွှင်ချမ်းမြေ့မှုများပေးနိုင်ကြပါစေ။

ချစ်ခြင်း၏အနုပညာ

`သစ်ပင်တစ်ပင်ကို ချစ်တတ်ရင် လူတစ်ယောက်ကို ချစ်တတ်ဖို့ မခဲယဉ်းပါဘူး ။ အခု အရွယ်ကြီးကျမှ အချစ်ဆိုတာ ဘာလဲလို့ မင်းကိုရှင်းပြရင် မင်းက ငါစိတ်ဖောက်ပြန်သွားပြီ ထင်ဦးမယ်။ တကယ်တော့ အချစ်ဆိုတာ ခံစားစိတ်သက်သက်မဟုတ်ဘူး။ အကဲခတ်တတ်မှုပါတယ်။ နားလည်မှုပါတယ်။ ပြုစုပျိုးထောင်မှုပါတယ်။ ကိုယ် ဒီသစ်ပင်တွေကို အမျိုးအစားအများကြီး စိုက်လာခဲ့တာနဲ့အမျှ တစ်ခုချင်းရဲ့ ကွဲပြားခြားနားတဲ့လိုအပ်မှု ၊ ဖြစ်ပေါ်မှု အခြေအနေအားလုံးကို ကိုယ်သိတယ်။ သူတို့အတွက် ကိုယ်ဘာလုပ်ပေးရမလဲဆိုတာ ကိုယ်သိတယ်။ ကိုယ့်စိတ်ရဲ့ လိုအင်ဆန္ဒဆိုတာ ကိုယ်မေ့ထားနိုင်ပြီး သစ်ပင်တွေရဲ့ လိုအပ်ချက်ကို အမြဲစောင့်ကြည့် ဖြည့်ဆည်းပေးတတ်တဲ့လူ ဖြစ်လာတယ်။ ဘယ်သစ်ပင်က ဘယ်ရာသီမှာ ဘယ်လိုအနေအထား ပြောင်းတတ်တယ် ၊ ဘယ်သစ်ပင်က လေဒဏ်ကို ကြောက်တယ် ၊ ဘယ်သစ်ပင်အမြစ်က မိုးပေါက်ဒဏ်ကို ကြောက်တယ် .. ဒါတွေကို ကိုယ်နားလည်လာတယ်။ သူတို့ လိုအပ်မယ့် နှစ်သက်မယ့် အနေအထားကို ကိုယ်အကဲခတ်ပြီး ပြုပြင်လိုက်လျောပေးတယ်။ ဒီမြို့ပေါ်က ပန်းခြံတွေထဲမှာ ကိုယ့်ဆီကအပင်တွေ ဘာကြောင့် ထူးထူးခြားခြား သန်စွမ်းလှပနေသလဲဆိုတဲ့ အဖြေက အဲဒါပဲ။´

`သစ်ပင်တွေရဲ့ အရိပ်အကဲကို သိတဲ့ ကိုယ်ဟာ မင်းအရိပ်အကဲကို ဘာကြောင့်မသိရမှာလဲ။ မင်း ဘာလိုချင်တယ် ။ ဘာဖြစ်စေချင်တယ်ဆိုတာ ကိုယ်အားလုံးသိတယ်။ အချစ်ဆိုတာ မင်းထင်သလို ခံစားမှုသက်သက် မဟုတ်ဘူး။ အတတ်ပညာတစ်ခုပဲ။ သစ်ပင်စိုက်သလို ပြုစုပျိုးထောင်သလို ဘေးကနေ အရိပ်အကဲကြည့်ပြီး ပြုပြင်လိုက်လျောပေးရတဲ့ အတတ်ပညာတစ်ခုပဲ မင်းကတော့ ထင်မှာပေါ့။ ကိုယ့်အပေါ် ချစ်တဲ့ မင်းအချစ်က ပိုတယ်လို့ မင်းထင်မှာပေါ့။ မင်းဘ၀မှာ ကိုယ်မရှိရင် မဖြစ်ဘူးလို့ မင်းခံစားရတယ်။ ဒီခံစားချက်ဟာ မင်းရဲ့အချစ်အတိုင်းအဆလို့ မင်းထင်တယ်။ တကယ်တော့ အဲဒီလို မင်းဘ၀မှာ ကိုယ်မရှိရင် မဖြစ်ပါဘူးဆိုတဲ့ အသိမျိုးနဲ့ မင်းအသက်ရှင်နေထိုင်နိုင်ဖို့ ကိုယ် မင်းအတွက် ဘာတွေလိုက်လျောခဲ့တယ်ဆိုတာ မင်းမတွေးမိဘူး မဟုတ်လား´

Download Here

5 comments:

Anonymous said...
This comment has been removed by a blog administrator.
Anonymous said...
This comment has been removed by a blog administrator.
aminor0amajor said...

people who don't have a face cannot not have integrity certainly - especially those working for the generals of Burma.

But this time his comment is right - if you read history, you'll be dumb' because it's definitely true in Burma. Read the New Light of Myamar, you will know why. It's sad that people inside Burma are kept in a deep dark well.

However, some frogs have leaped out or that deep dark well and reached the open world of information and freedoms. So they now have the chances to see and hear from various sources, rather not just one source strictly like the restriction imposed by SPDC which monopolized the information in Myanmar, to compare among what have been seen and heard, and to have one's own insight in humanity, politics and international societies.

But no more, their monopoly on information is over now.
http://aminor-amajor.blogspot.com/

Yan said...

တကယ်တော့ အဲဒီလို မင်းဘ၀မှာ ကိုယ်မရှိရင် မဖြစ်ပါဘူးဆိုတဲ့ အသိမျိုးနဲ့ မင်းအသက်ရှင်နေထိုင်နိုင်ဖို့ ကိုယ် မင်းအတွက် ဘာတွေလိုက်လျောခဲ့တယ်ဆိုတာ မင်းမတွေးမိဘူး မဟုတ်လား´


အဲဒီ့စာသားကို အခေါက်ပေါင်းများစွာ အသံထွက်ဖတ်ကြည့်သွားပါတယ်.

သိပ်ကောင်းတဲ့ရေးသားချက်လေးတွေပါပဲ မလင်းလက်ရေ...

ဆက်လက်ပြီး ပြောင်မြောက်တဲ့ ရသစာပေလေးတွေ ပြုစုရေးသားနိုင်ပါစေဗျာ.


ခင်မင်လေးစားလျက်

ရန်အောင်

Winkabar said...

ဇာတ်လမ်းလေးက အရမ်းကောင်းပြီး တအားဆွဲဆောင်နိုင်တာပဲ။
ဝတ္ထုလေးအတွက်ကျေးဇူးတင်ပါတယ်အစ်မရေ။

Post a Comment

အကြံပြု comment ၀င်ရေးပေးတဲ့အတွက် လှိုက်လှဲစွာ ကျေးဇူးတင်ရှိပါတယ်ရှင် ။ မဖွယ်မရာ စကားများ ၊ ဆဲဆိုခြင်းများ ၊ ပေါကြောင်ကြောင်စကားများ ၊ တစ်စုံတစ်ဦး၏ ကိုယ်ကျင့်တရားသိက္ခာကို ထိခိုက်စေသော စကားများ ဖြစ်ပါက ထို comment များကို လက်ခံမည်မဟုတ်ကြောင်း လေးစားစွာ အသိပေးအပ်ပါတယ်ရှင် ။ အလည်လာရောက် အကြံပြုရေးသားခြင်းများအတွက် ကျေးဇူးတင်ပါတယ် ။ စာများ ရှင်းလင်းစွာ မြင်ရဖို့အတွက် Space များ ထည့်ရိုက်ပေးကြပါရှင်။