ဒေါ်သန်းအေးရေးသားသော “စု”နှင့်မိတ်ဆက်ခြင်း

ဒေါ်သန်းအေး ပညာတော်သင်အဖြစ် အင်္ဂလန်နိုင်ငံသို့ရောက်ရှိနေစဉ် ဗိုလ်ချုပ်အောင်ဆန်းနှင့် တွေ့ဆုံခဲ့သည်။ ထို့နောက် သူမသည် ဒေါ်ခင်ကြည်နှင့် မိတ်ဆွေဖြစ်လာပြီး အောင်ဆန်းစုကြည်နှင့် ဘ၀တစ်လျှောက်လုံးတွင် ချစ်ခင်ရင်းနှီးသူဖြစ်သည်။ ဒေါ်သန်းအေးကို ထိုခေတ်က အဆိုတော် “ဘိလပ်ပြန်သန်း”ဟု လူသိများခဲ့သည်။ ဆရာမအဖြစ်၎င်း ၊ အသံလွှင့်သူအဖြစ်၎င်း ၊ တာဝန်ထမ်းဆောင်ပြီးသောအခါတွင် ကမ္ဘာကုလသမဂ္ဂ၌ ပထမဦးဆုံး အမှုထမ်းသော မြန်မာအမျိုးသမီးဖြစ်လာသည်။ ကုလသမဂ္ဂတွင် နှစ်ပေါင်း ၂၅နှစ်ကြာ အမှုထမ်းပြီးနောက် အငြိမ်းစားယူကာ ယခုအခါ သြစတြေးလျနိုင်ငံတွင် နေထိုင်လျက်ရှိသည်။

ဒေါ်သန်းအေးပြောသော “စု”

စတြာစ်ဘောက်မြို့၌ ၁၂နိုင်ငံပါဝင်သော ဥရောပပါလီမန်သည် ၁၉၉၁ခုနှစ် ဇူလိုင်လ ၁၉ရက်နေ့တွင် တည်ငြိမ်သိက္ခာရှိသော အထူးစည်းဝေးပွဲကျင်းပကာ မြန်မာနိုင်ငံမှ ဒေါ်အောင်ဆန်းစုကြည်အား လွတ်လပ်စွာ တွေးခေါ်မှုအတွက် ၁၉၉၁ခုနှစ် ဆာခါရော့(Sakharov) ဆုကို ချီးမြှင့်လိုက်သည်။ ယခင်နှစ်များက တောင်အာဖရိကမှ နယ်ဆင်မန်ဒဲလား ( Nelson Mandela ) ဆိုဗီယက်ပြည်ထောင်စုမှ အနာတိုလီမာချန်ကို (Anatoly Marchenko) နျင့် ချက်ကိုဆလိုဗက်ကီးယားနိုင်ငံမှ အလက်ဇန္ဒားဒုဗ်ချက် (Alexander Dubcek) တို့အား အလားတူဂုဏ်ပြုခဲ့သည်။ ပါလီမန်ဥက္ကဌဖြစ်သူ ဘာရွင်ခရက်(စ်)ပို ( Baron Crespo ) က ခန့်ညားထယ်ဝါသော စပိန်ဘာသာစကားနှင့် မြွက်ကြားလိုက်သော ကြေငြာချက်ကို ကျမတို့ နားကြပ်များထဲမှ ဘာသာပြန်က အင်္ဂလိပ်ဘာသာစကားနှင့် ပြန်ပြောလိုက်သည်မှာ ကျနော်တို့သည် ဤဆုကို ရဲရင့်သော အာရှသူတစ်ဦးအား ချီးမြှင့်လိုက်ပါသည်။ ဤအမျိုးသမီးအမည်သည် လွတ်လပ်ခြင်းနှင့် ဒီမိုကရေစီရေးအတွက် အကြမ်းမဖက်သောနည်းနှင့် တိုက်ပွဲဝင်ခြင်းတို့နှင့် ထပ်တူထပ်မျှပင်ဖြစ်ပါသည်။ မိန့်ခွန်းအပြီးတွင် ဥက္ကဌကြီးသည် အခမ်းအနားစင်မြင့်ပေါ်၌ ဖခင်နှင့်အတူထိုင်နေသော ကင်မ်(ဒေါ်အောင်ဆန်းစုကြည်၏ သားငယ် မောင်ထိန်လင်း)အား ဆုလက်မှတ်ကို အပ်နှင်းလိုက်ခြင်းဖြင့် တိုတောင်းသော်လည်း စိတ်လှုပ်ရှားဖွယ်အတိဖြစ်သော အခမ်းအနားကို နိဂုံးချုပ်လိုက်ပါသည်။ မိတ်ဆွေသူငယ်ချင်းများက “စု”ဟု ခေါ်လေ့ရှိသော သူမသည်ကား ဤဆုကို ကိုယ်တိုင်လာရောက် လက်မခံနိုင်ရှာပါ ။ သူသည် မြန်မာစစ်အစိုးရ၏ အကျဉ်းကျခံတစ်ဦးအနေနှင့် ရန်ကုန်မြို့၌အထိန်းသိမ်းခံဘ၀ကို ရင်ဆိုင်လျက်ရှိပါသည်။

ဤဖမ်းဆီးချုပ်နှောင်ခြင်းနှင့် ဤဂုဏ်ပြုချီးမြှင့်ခြင်းတို့ကို ဖြစ်ပေါ်လာစေခဲ့သော စု၏ဘ၀လမ်းကြောင်းကို စဉ်းစားသုံးသပ်ရင်း ကျမကိုယ်ကျမမေးခွန်းအမျိုးမျိုးထုတ်နေမိပါသည်။ “ဒါတွေဟာ ဘယ်လိုကဘယ်လို ဖြစ်ပေါ်ခဲ့တာပါလိမ့် ၊ ဒီလိုအခြေအနေဆိုးတွေ ၊ ဖိစီးချုပ်ချယ်မှုတွေကို ခံနိုင်စွမ်းပေးတဲ့ ကြံ့ခိုင်တဲ့ စိတ်ဓါတ်ရဲ့ အရင်းအမြစ်ဟာ ဘာပါလိမ့် ။ ဘယ်ကများ ထွက်ပေါ်လာပါလိမ့် ။ ဘယ်လောက် ကြာဦးမယ်မသိအောင် ဆက်လက်ထ်ိန်းသိမ်းခံနေရဦးမှာနဲ့ မြန်မာနိုင်ငံရေးဇတ်ကွင်းထဲ သူမစွမ်းဆောင်ခဲ့သမျှကို စစ်အစိုးရက တမင်တကာတိုက်ဖျက်နေတာတွေကို သူမဘယ်လိုများမြင်ပါလိမ့်” ။ သူမသည် ထိုဇတ်ကွင်းထဲသို့ ၁၉၈၈ခုနှစ် နိုင်ငံရေးပါတီတစ်ရပ် တည်ထောင်စဉ်က ၀င်ရောက်ခဲ့ပါသည်။ သူမအား ဖမ်းဆီးလိုက်ပြီး ၁၀လခန့်အကြာတွင် ကျင်းပခဲ့သော ၁၉၉၀ခုနှစ် ရွေးကောက်ပွဲ၌ ထိုပါတီက အပြတ်အသတ်အနိုင်ရခဲ့ပါသည်။

ကျမ၏အထင်အမြင်အရ ၊ စု၏အနိုင်မခံ အရှုံးမပေးစိတ်ဓါတ်နှင့် အများနှင့်မတူ တမူထူးသော သဘောသဘာဝတို့၏ ခိုင်မြဲသောဇစ်မြစ်သည် မေ့ပျောက်၍မရနိုင်သော သူမ၏ဖခင် ဗိုလ်ချုပ်အောင်ဆန်း၏ သတိရတမ်းတဖွယ်ရာ အရည်အချင်းများနှင့် သူမ၏ထူးခြားသောမိခင် ဒေါ်ခင်ကြည်၏ ပြုစုပျိုးထောင်မှုတို့ပင်ဖြစ်သည်။ ဗိုလ်ချုပ်အောင်ဆန်း၏ ဘ၀ဇတ်လမ်းသည် မြန်မာ့သမိုင်း၏ တစိတ်တပိုင်းဖြစ်၍ အများကသိပြီး ၊ မှတ်တမ်းတင်ပြီး ဖြစ်ပါသည်။ ဗြိတိသျှလက်အောက်ခံ မြန်မာနိုင်ငံအတွင်းသို့ ဂျပန်တပ်မတော်နှင့်အတူ ရှေ့ဦးမှချီတက်မည့် ရဲဘော်သုံးကျိပ်ခေါင်းဆောင်အဖြစ် ဂျပန်တို့ထံမှ စစ်ပညာသင်ကြားခဲ့ပုံ ၊ ဂျပန်တို့လက်အောက်ခံအဖြစ် နေခဲ့ရသော် အတုအယောင်လွတ်လပ်ရေးကာလ နောက်ပိုင်း၌ မြန်မာပြည်ကို ပြန်လည်သိမ်းပိုက်ရန် ၀င်ရောက်လာသော မဟာမိတ်တပ်များနှင့် ပူးပေါင်းဆောင်ရွက်ခဲ့ပုံ ၊ နောက်ဆုံးစစ်ပြီးခေတ်၌လုံးဝလွတ်လပ်ရေး တောင်းဆိုချက်ကို ဗြိတိသျှတို့ လိုက်လျောရသည်အထိ အပတ်တကုတ်ကြိုးပမ်းလှုပ်ရှားခဲ့ပုံ စသည်တို့ကို စာရေးဆရာအများက အသေးစိတ်ရေးသားတင်ပြပြီး ဖြစ်ပါသည်။ ဒေါ်ခင်ကြည်၏အတ္တုပ္ပတ္တိကိုမူ စေ့စေ့ငှငှမှတ်တမ်းတင်ထားခြင်း မရှိပါ။

ဗိုလ်ချုပ်နှင့်တွေ့ဆုံမှု

ဗိုလ်ချုပ်နှင့်ပတ်သတ်၍ ကျမသတိရနေသော အချက်အချို့မှာ အထူးအောက်မေ့လွမ်းဆွတ်ဖွယ် ဖြစ်ပါသည်။ မြန်မာနိုင်ငံ လွတ်လပ်ရေးကိစ္စများကို အတ္တလီအစိုးရနှင့် ဆွေးနွေးရန် ကိုယ်စားလှယ်အဖွဲ့ကို ခေါင်းဆောင်ကာ ဗိုလ်ချုပ်တက်ရောက်လာသော ၁၉၄၇ခုနှစ် ဇန်န၀ါရီလမှာ အင်္ဂလန်နိုင်ငံ၌ အဆိုးဆုံးဆောင်းကာလ၏ ရာသီဒဏ်ကို အလူးအလဲခံနေရချိန်ဖြစ်ပါသည်။ လန်ဒန်မြို့လယ်၌ နှင်းစိုင်နှင်းခဲများသည် ရှင်းလင်း၍ မရနိုင်လောက်အောင် ထူထပ်စွာပုံနေပြီး ကိုယ်စားလှယ်အဖွဲ့ တည်းခိုရာ ဒေါ်ချက်(စ်)တာဟိုတယ် (Dorchester Hotel) သွားလမ်းကိုပင် ပိတ်ဆို့လုမတတ်ဖြစ်နေပါသည်။ စစ်ပြီးစခေတ် ခြိုးခြံစွာနေထိုင်ရေးစနစ်သည် အားလုံးအပေါ် သက်ရောက်မှု၇ှိသဖြင့် မြန်မာများလည်း အခြားလန်ဒန်တွင် နေထိုင်သူအများနည်းတူ နေ့စဉ်နာရီပေါင်းများစွာ လျှပ်စစ်ဓါတ်အားဖြတ်တောက်ခံရသည့်ဒုက္ခကို ကောင်းကောင်းကြီး ရင်ဆိုင်နေကြရပါသည်။ ဟိုတယ်ခန်းများတွင် မီးသွေးမီး ၊ ထင်းမီးတို့နှင့် ဟုန်းဟုန်းတောက်နေသော မီးလင်းဖိုကြီးများ မရှိပါ။ သေးငယ်သော ဓါတ်မီးလင်းမီးဖိုလေးများသာ ရှိပါသည်။ အနေရအထိုင်ရ မသက်သာလှသော အချိန်ဖြစ်သော်လည်း ၊ မျှော်လင့်ခြင်းနှင် စိတ်ဓါတ်တက်ကြွခြင်းတို့ မြင့်မားနေချိန်လည်း ဖြစ်ပါသည်။

ဗိုလ်ချုပ်သည် လန်ဒန်ရှိ မြန်မာများအားလုံးနှင့် တွေ့ဆုံနိုင်ရန် ဂရုတစိုက်စီစဉ်ခဲ့၏. လန်ဒန်ရှိ မြန်မာများဆိုသည်မှာ ပညာသင်နေသူများ ၊ အလုပ်လုပ်ကိုင်နေထိုင်နေသူများ ၊ ခရီးသွားရင်းလာရင်း ခဏတဖြုတ်ရပ်နားနေသူများနှင့် ကျမကဲ့သို့ ခပ်ကြာကြာ အလည်အပတ် ရောက်နေသောဧည့်သည်များ ဖြစ်ကြပါသည်။ စိုဟိုရပ်ကွက်(Soho) ရှိ မြန်မာထမင်းဆိုင်တဆိုင်တွင် ဗိုလ်ချုပ်အားဂုဏ်ပြုသည့် ဧည့်ခံပွဲကျင်းပကြပါသည်။ အတော်အတန်ပြည့်ကျပ်နေသော ဧည့်ပရိတ်သတ်ကို နှုတ်ခွန်းဆက် စကားပြောပြီးနောက် ဗိုလ်ချုပ်က ကျမတို့တဦးချင်းနှင့် ခင်မင်ရင်းနှီးစွာ စကားပြောပါသည်။ ဗိုလ်ချုပ်၏ ရနံ့သင်းသော ဂုဏ်သတင်းများ ကျမတို့ထံ ရောက်ခဲ့သည်မှာ အတန်ကြာပါပြီ ။ လူအများ အသိမှတ်ပြုရသော သူ၏အရှိန်အ၀ါ ၊ တောက်ပြောင်လှသော သူ၏တည်ကြည်ဖြောင့်မတ်မှု ၊ အတိုက်အခံများအား ကိုင်တွယ်ရာတွင် လိမ္မာပါးနပ်ပုံ ၊ ဂျပန်ခေတ်အတွင်းက ဂျပန်များနှင့် စစ်ပြီးခါနီးနှင့် စစ်ပြီးခေတ်၌ အင်္ဂလိပ်များအပါအ၀င် ၊ သူနှင့်ဆက်ဆံလုပ်ကိုင်ရသူများနှင့် အဆင့်အမြင့်ဆုံး အာဏာပိုင်များ၏ လေးစားခြင်းကိုရယူနိုင်ပုံ ၊ သူလိုလားသည့် လွတ်လပ်ရေး ဆွေးနွေးပွဲများအား အကောင်အထည်ဖော်နိုင်သည့် အဆင့်တိုင်အောင်မြန်မာနိုင်ငံကို သယ်ဆောင်လာခဲ့သော သူ၏လှုပ်ရှားမှုများစသည့် ကိစ္စအပေါင်းကို အားလုံးသိနှင့်ကြပြီး ဖြစ်ပါသည်။ ဤအမျိုးသားသူရဲကောင်းကြီးသည် ကျမတို့တဦးချင်းစီ၏ နက်ရှိုင်းသော ရိုသေလေးစားမှုကို ရရှိပြီးဖြစ်ပါသည်။ သူ၏ရိုးသား၍ ဟန်ပန်မပါသော ခင်မင်မှုသည် ကျမတို့၏ အသဲနှလုံးများကိုပါ သိမ်းကြုံးလိုက်ပါတော့သည်။

ဗိုလ်ချုပ်နှင့်ကိုယ်စားလှယ်အဖွဲ့ဝင်များ အလုပ်တာဝန်မှ အားလပ်သော ညနေများတွင် ကျမကို ဗိုလ်ချုပ်တို့ တည်းခိုနေသော ဟိုတယ်ဧည့်ဆောင်၌ ထမင်းစားရန် ဖိတ်ခေါ်လေ့ရှိပါသည်။ ထမင်းစားသောက်ပြီးသောအခါ ဓါတ်မီးလင်းဖို ခပ်မှိန်မှိန်လေးကို ၀ိုင်းရံကာ စစ်မဖြစ်မီက အကြောင်းများ ၊ ဂျပန်များထံမှ စစ်ပညာသင်ကြားစဉ်က အကြောင်းများ ၊ အနာဂတ်အတွက် မျှော်လင့်ချက်ထားနိုင်သော ပစ္စုပ္ပန်ကာလအကြောင်းများ စသည်တို့ကို ဆွေးနွေးကြပါသည်။ စစ်အတွင်း မြန်မာပြည်အကြောင်းနှင့် စစ်ပြီးစကာလ၌ ဗြိတိသျှအစိုးရက ဗိုလ်ချုပ်၏ တောင်းဆိုချက်များကို လက်ခံလာစေရန် လှုပ်ရှားရုန်းကန်ခဲ့ရပုံအကြောင်းတို့ကိုကား များစွာပြောလေ့ပြောထ မရှိပါ။ အဖွဲ့တဖွဲ့လုံးအတွက် ကိုယ်ရောစိတ်ပါ သက်သာစေရန် အပန်းဖြေချိန်ပင်ဖြစ်ပါသည်။ စစ်အတွင်း ကာလတွင် ကျမက နယူးဒေလီရှိ အိန္ဒိယပြည်လုံးဆိုင်ရာ အသံလွှင့်ဌာန၌ အလုပ်လုပ်နေခဲ့ပါသည်။ ထိုဌာနမှ ဘာသာစကားအမျိုးမျိုးဖြင့် ဂျပန်များ သိမ်းပိုက်ထားသော အာရှနယ်မြေများသို့ အသံလွှင့်ပါသည်။ ထို့နောက် ဆန်ဖရန်စစ္စကို ( San Francisco ) သို့သွား၍ ယခု ဗွီအိုအေ ( VOA ) ခေါ် ထိုစဉ်အခါက အမေရိကန်ပြည်ထောင်စု စစ်ပြန်ကြားရေးရုံး၌ အလားအတူအလုပ်မျိုးလုပ်ပါသည်။ မြန်မာပြည်မှ ရောက်လာသော မိတ်ဆွေများနှင့် မတွေ့ရသည်မှာ နှစ်ပေါင်းများစွာ ကြာပြီဖြစ်၍ ကွဲကွာနေကြရစဉ်အတွင်း ဖြစ်ကြောင်းရယ်တဲ့ကုန်စင်အောင် ပြောရန်အချိန်ပင် မလောက်နိုင်ပါ ။

ထိုဓါတ်မီးလင်းဖို မှိန်မှိန်လေးကို ၀ိုင်းရံနေကြသည့် လူစုထဲပါဝင်သူများမှာ ဗိုလ်ချုပ်နှင့် သူ၏ကိုယ်ရံတော် ကိုယ်စားလှယ်အဖွဲ့ဝင်အချို့ ၊ ဘီဘီစီ၌အလုပ်လုပ်နေသော မြန်မာတဦးနှင့် ရံဖန်ရံခါ ကျမကဲ့သို့သော ဧည့်သည်များ ဖြစ်ကြပါသည်။ ရဲဘော်သုံးကျိပ်ဝင်တစ်ဦးဖြစ်ပြီး ၊ ဂျပန်ခေတ်ကာလအတွင်းက အမည်ခံအရ လွတ်လပ်သော မြန်မာနိုင်ငံ၏ စစ်သံမှုးအဖြစ် တိုကျိုတွင် တာဝန်ထမ်းဆောင်ခဲ့သော ဗိုလ်စင်္ကြာလည်း ထိုလူစုထဲတွင်ပါဝင်သည်။ စကားအနည်းငယ်စဲသောအချိန်များ၌ သူက ဂျပန်တွင်နေစဉ်က တတ်ခဲ့သော အလွမ်းအဆွေးသီချင်းများဆိုပြီး ကျမတို့က မြန်မာသီချင်းများ ဆိုကြပါသည်။ ဗိုလ်ချုပ်က သူ၏မိသားစု ၊ ဇနီးနှင့် သားသမီးသုံးယောက်အကြောင်း ၊ အငယ်ဆုံးမှာ မိန်းကလေးဖြစ်ကြောင်းတို့ကို ပြောလေ့ရှိပြီး ၎င်းတို့အတွက် လက်ဆောင်များဝယ်ပေးပါဟု ကျမကိုပြောပါသည်။ သို့နှင့် ကိုယ်စားလှယ်အဖွဲ့အလုပ်ကိစ္စများ ပြီးစီး၍ လန်ဒန်မှ ပြန်သွားသောအခါ သူ၏မိသားစုဝင်တဦးချင်းစီအတွက် ကျမ၀ယ်ပေးလိုက်သော လက်ဆောင်များ ဗိုလ်ချုပ်နှင့် အတူပါသွားပါသည်။ စုအတွက် အရုပ်ကြီးတခု ၀ယ်ပေးလိုက်ပါသည်။ နှစ်ပေါင်းများစွာ ကြာသောအခါ ထိုအရုပ်ကြီးကို စုက မပျက်မဆီး ကောင်းမွန်စွာ ထိန်းသိမ်းထားလျက် ရှိသေးသည်ကို တွေ့ရ၍ကျမ ကျေနပ်အံအားသင့်ရပါသည်။

ကိုယ်စားလှယ်အဖွဲ့ မပြန်မီရက်အနည်းငယ်အလိုတွင် မိမိတို့ပြီးစီးလုပ်ဆောင်နိုင်ခဲ့သော ကိစ္စအ၀၀နှင့် ပတ်သတ်၍ ဘီဘီစီမြန်မာပိုင်းအစီအစဉ်မှ အသံလွှင့်ရန် စာတမ်းတစောင်ကို ဗိုလ်ချုပ်ပြင်ဆင်ထားပါသည်။ အသံလွှင့်မည့်နေ့တွင် ကျမတို့က ဗိုလ်ချုပ်နှင့်သူ၏ကိုယ်ရံတော်တို့အား ဘီဘီစီစားသောက်ဆိုင်၌ဆုံပြီး နေ့လယ်စာ အတူစားရန်ဖြစ်ပါသည်။ ထိုနေ့လယ်စာ စားပွဲမှာ အားရပျော်ရွှင်ဖွယ် မဟုတ်ခဲ့ပါ ။ ထမင်းစားစားပွဲသည် ဆိတ်ငြိမ်နေပြီး ဗိုလ်ချုပ်၏မျက်နှာမှာ ခြိမ်းတော့မည့် မိုးကဲ့သို့ အုံ့မှိုင်းနေ၏။ ဘီဘီစီ မြန်မာပိုင်းအစီအစဉ်ဌာနမှုးဖြစ်သူ (အင်္ဂလိပ်အမျိုးသားတဦး)က အင်္ဂလိပ်လို ဘာသာပြန်ထားသော ဗိုလ်ချုပ်မိန့်ခွန်း၏ အစိတ်အပိုင်းအချို့ကို ဖြတ်တောက်ပြင်ဆင်ခဲ့ပြီး မူရင်းမြန်မာစာတမ်းကိုလည်း အလားတူပြင်ဆင်မည်ဟု အကြပ်ကိုင်နေပါသည်။ ဘီဘီစီမှ ထုတ်လွင့်သော မိန့်ခွန်းများပါ နိုင်ငံရေးအကြောင်းအရာများနှင့် ပတ်သတ်၍ ထားရှိသောစည်းမျဉ်းကန့်သတ်ချက်များနှင့် ကိုက်ညီရန်ဖြစ်သည်ဟု ရှင်းလင်းပြပါသည်။ ဤအဖြတ်အတောက်များကို လက်ခံလိုက်ရမည်လော ၊ အသံလွှင့်အစီအစဉ်ကိုပဲ ဖျက်သိမ်းလိုက်ရမည်လောနှင့် ဗိုလ်ချုပ်မှာ စိတ်ဒွိဟဖြစ်နေ၏ ။ ဗိုလ်ချုပ်၏ မိသားစုအတွက် လက်ဆောင်များယူလာသော ကျမက စားသောက်ခန်းသို့ အနည်းငယ်အရောက်နောက်ကျပါသည်။ ကျမရောက်သွားပြီးနောက်ပိုင်း တဖြည်းဖြည်းတင်းမာမှုနှင့် စိတ်မချမ်းမြေ့မှုများ လျော့ပါးသွားကာ နေ့လယ်စာစားပွဲ စတင်ပါတော့သည်။ ထို့နောက် ဗိုလ်ချုပ်က မြန်မာနိုင်ငံသူ နိုင်ငံသားများထံ အသံလွှင့်အစီရန်ခံရန် ထွက်သွားပါသည်။ သို့သော်လည်း ကြိုတင်အသိပေးခြင်း မရှိဘဲနှင့် သူ၏စာတမ်းကို မပြုလုပ်သင့်သည်ဟု သူယူဆသော တည်းဖြတ်မှုများ ပြုလုပ်ခြင်းကြောင့် မည်မျှမကျေနပ်မနှစ်မြို့ဖြစ်ရကြောင်းကို ရှင်းရှင်းလင်းလင်းကြီး သိသာစေခဲ့၏။ ဤသည်ကား ဗိုလ်ချုပ်၏အသွင်တပုံ။

ကိုယ်စားလှယ်အဖွဲ့တဖွဲ့၏ အလုပ်လည်းပြီးဆုံး၍ ပြန်ချိန်လည်းနီးလာလေပြီ။ ဗိုလ်ချုပ်အား ဧည့်ခံကြည့်ရှုခဲ့သော အင်္ဂလိပ်များနှင့် လုပ်ဖော်ကိုင်ဖက်များအတွက် ဧည့်ခံပွဲကြီး ကျင်းပပါသည်။ ဧည့်ပရိတ်သတ်များလည်း အတော်များပါသည်။ ဗြိတိသျှပါလီမန်အမတ်များ ၊ ကိုယ်စားလှယ်အဖွဲ့၏ အလုပ်ကိစ္စအ၀၀ အဆင်ပြေချောမွေ့စေရန် တာဝန်ယူခဲ့သော အဆင့်မြင့်အရာရှိကြီးများ ၊ သတင်းစာအယ်ဒီတာများ ၊ သတင်းထောက်များ ၊ စာရေးဆရာများ ၊ မြန်မာပြည်နှင့် မြန်မာပြည်၏ အနာဂတ်တွင် စိတ်ဝင်စားကြသူများနှင့် လာရောက်နိုင်သော မြန်မာမှန်သမျှတို့ အသီးသီးပါဝင်ကြပါသည်။ ဧည့်ခံပွဲမတိုင်မီညက ဗိုလ်ချုပ်က ကျမကို ဧည့်ခံပွဲ၌ သီချင်းဆိုရန် ပြောပါသည်။ ကျမက လုပ်ရိုးလုပ်စဉ် ဟုတ်မည်မထင်ဟုပြောကာ ငြင်းခဲ့၏။ ဧည့်ခံပွဲနေ့၌ ဂျပန်များဝင်လာသည်အထိ မြန်မာပြည်တွင် အုပ်ချုပ်ရေးအရာရှိအဖြစ် အမှုထမ်းခဲ့သော အင်္ဂလိပ်မိတ်ဆွေဟောင်း တယောက်ထံ ကျမအလည်သွားခဲ့၏။ သူ၏အိမ်ရှိရာအရပ်မှ လန်ဒန်သို့ အပြန်ခရီးမှာ နှေးကွေးလှ၍ ကျမနှင့်အတူပါလာသော မိတ်ဆွေမှာ ဧည့်ခံပွဲအရောက်နောက်ကျမည်စိုးကာ ရင်တမမဖြစ်နေ၏။ ဧည့်ခံပွဲမမှီလိုက်က ဗိုလ်ချုပ်တို့နှင့် နောက်ဆုံးတွေ့ရမည့် အခွင့်အရေးလွတ်ထွက်သွားမည်ထင်က ကျမတို့ ပူပန်နေကြခြင်းဖြစ်ပါသည်။ သို့သော်လည်း ကမန်းကတန်းအ၀တ်အစားလဲပြီး ရောက်သွားသောအခါ ဗိုလ်ချုပ်က စောင့်နေပါသည်။ အချမ်းပြေမုန့်အနည်းငယ် စားသောက်ပြီးနောက် ဗိုလ်ချုပ်က ကျမကို စင်မြင့်လေးပေါ်တင်ထားသော စန္ဒယားရှိရာသို့ခေါ်သွားပြီး “မြန်မာအမျိုးသမီးလေး တယောက်က သီချင်းဆိုဧည့်ခံမည်”ဟု ပရိတ်သတ်အား ကြေငြာလိုက်ပါသည်။ ကျမလည်း သီချင်းဆိုရပါတော့သည်။ ထိုညက ဆိုခဲ့သောသီချင်းများမှာ အင်္ဂလိပ်သီချင်းတပုဒ် ၊ ပြင်သစ်သီချင်းတပုဒ်နှင့် မြန်မာသီချင်းတပုဒ်တို့ ဖြစ်ပါသည်။ ယခု ပြန်လည်တွေးကြည့်သောအခါ နောက်ဆုံးတပုဒ်ကိုသာ ဆိုခဲ့သင့်သည်ဟု ကျမထင်ပါသည်။ သို့သော်လည်း ထိုသီချင်းကို မြန်မာများကသာ နားလည်နှစ်သက်ကြမည်ဖြစ်ပါသည်။ ထိုသီချင်းမှာ ကျမတို့အားလုံးသိကြသော လှိုင်ထိပ်ခေါင်တင်၏ “စိန်ခြူးကြာညောင်” ဘောလယ်ဖြစ်ပါသည်။ ပရိတ်သတ်က ယဉ်ကျေးပျူငှာစွာ သြဘာပေးကြပါသည်။ ထို့နောက် ဗိုလ်ချုပ်က ကျမကို စင်မြင့်ပေါ်မှ ဆင်းရန်လာခေါ်ပြီး ကျမ၏အဆိုကို သူမည်မျှသဘောကျနှစ်သက်ကြောင်း ပြောပါသည်။

ကိုယ်စားလှယ်အဖွဲ့ အထူးလေယဉ်နှင့် လန်ဒန်မြို့မြောက်ပိုင်းရှိ စစ်ဖက်ဆိုင်ရာ လေဆိပ်မှ ထွက်ခွာသွားချိန်၌ တတိုင်းပြည်လုံး နှင်းစိုင်နှင်းခဲများနှင့် ဖုံးလွှမ်းထားဆဲဖြစ်ပါသည်။ နှုတ်ဆက်ရန် အဆင့်မြင့်အင်္ဂလိပ်အရာရှိများ အဖွဲ့ကြီးတဖွဲ့ ရောက်နေပါသည် ။ ကျမတို့မြန်မာအချို့လည်း ကိုယ်စားလှယ်များ ၊ အခြားသူများနှင့်အတူ ဟုန်းဟုန်းတောက်နေသည့် မီးလင်းဖိုကြီး၏ အပူရှိန်နှင့် နွေးနေသော ဧည့်ကြိုခမ်းမကြီး၌ သွားရောက်စုဝေးပါသည်။ ကျမတို့အားလုံး ၀ိုင်းထိုင်စကားပြောကြပါသည် ။ ခဏကြာသောအခါ ဗိုလ်ချုပ်က အင်္ဂလိပ်များအကြားမှ ထလာပြီး ကျမတို့နှင့် စကားပြောပါသည် ။ ကျမကိုပြုံးပြီး “ကျနော်တို့နဲ့ ဗမာပြည်ကို လိုက်ခဲ့ပါလား”ဟု ပြောပါသည်။ ထို့နောက် ကျမတို့အပေါင်းဖော်တစု နှင်းခဲများအကြားရပ်ပြီး ကိုယ်စားလှယ်အဖွဲ့လေယာဉ်ရှိရာသို့ လျှောက်၍ နှုတ်ဆက်ထွက်ခွာသွားသည်ကို ငေးမျှော်ကြည့်ရင်း လက်များဝှေ့ရမ်းနှုတ်ဆက်ကြသည်။ ဆောင်းနေ့ကလေး၏ လွမ်းဖွယ်အသွင်နှင့် မိတ်ဆွေများနှင့် ခွဲခွာရခြင်း ၊ အထးသဖြင့် ဗိုလ်ချုပ်နှင့် ခွဲခွာရခြင်းတို့ကြောင့် ကျမတို့တတွေ ၀မ်းနည်းတသသဖြစ်နေမိပါသည်။ ဗိုလ်ချုပ်ခမျာ တိုတောင်းလှသော ဘ၀သက်တမ်းလေးမျှသာ ကျန်တော့သည်ကိုကား ကျမတို့ မည်ကဲ့သို့မျှ မမှန်းဆမိခဲ့ကြပါ.။

ဆက်ရန် ………..