Sunday, September 30, 2007

တို့လူငယ်များရဲ့တာဝန်


ပေးဆပ်ထားရတဲ့ အသက်သွေးတွေ ၊ ၇င်းနှီးထားရတဲ့ အသက်သွေးတွေကြားမှာ ရှုံးလို့မဖြစ်ပါဘူး .. ။ ဒီတစ်ခေါက်ရှုံးရင် နောင်ဘယ်တော့မှ ပြန်လည်ခေါင်းဖော်နိုင်မှာလည်း မဟုတ်တော့ပါဘူး .. ။
၈၈ခုနှစ်မှာ အသက်၃နှစ်သာရှိသေးတဲ့ လူငယ်ခေါင်းဆောင်ဆိုတာ ကျွန်မထက် အသက် ၃နှစ်ကျော်လောက်ပဲ ကြီးတာပေါ့ … ။ အခုလိုမျိုး ငယ်ငယ်လေးနဲ့ ထိပ်ဆုံးက လုပ်ဆောင်သွားတာ အတိုင်းမသိ ၀မ်းသာမိပါတယ် .. ။ လူငယ်တွေ ရှေ့ဆုံးတက်လာရင် ၊ ထိပ်ပိုင်းကနေ တက်ကြွရင် ဒီတစ်ခေတ်တော့ မရှုံးနိုင်တော့ပါဘူး .. ။

Read More...

ကျွန်မနှင့် လွတ်လပ်ခြင်းမဲ့သောခြင်္သေ့ကျွန်း(၁)




သြဂတ်စ်လရဲ့ နေ့တစ်ရက်မှာပါ။
မြန်မာပြည်ရှိ လမ်းလျှောက်သူများကို ထောက်ခံအားပေးတဲ့အနေနဲ့ စင်္ကာပူမှာလည်း ငြိမ်းချမ်းစွာ လမ်းလျှောက်ဖို့ ကျွန်မ မိတ်ဆွေက စတင်အကြံဥာဏ်ရပြီး လိုက်ပါဖို့အတွက် သူငယ်ချင်းတွေကို ခေါ်ပါတယ်.. ။ ကျွန်မက စေတနာသန့်သန့်လေးနဲ့ ဖြစ်စေချင်တဲ့ ဆန္ဒလေးပေါင်းပြီး ဒီသတင်းကို ကိုယ်တိုင် အားလုံးကို ဖြန့်ဝေပေးလိုက်ပါတယ် .. ။ ( ၄ယောက် ဥပဒေကို ထိုအချိန်က ကျွန်မ သေချာနားမလည်ခဲ့ပါ ၊ ကောင်းတာတစ်ခု လုပ်တာကိုပဲ ကူညီချင်စိတ်များသွားခဲ့ခြင်း )နောက်ဆက်တွဲ ရလဒ်တွေက စင်္ကာပူ ဥပဒေကို မထိဘူးလို့ ထင်ရပေမယ့် ကပ်ထိသွားတဲ့အတွက် စုံစမ်းမေးမြန်းခြင်းခံရတာတွေ ၊ အလုပ်ရှုပ်သွားတာတွေ အားလုံးဖြစ်သွားကြပါတယ် .. ။ တစ်ခုပဲ ကျွန်မ အားလုံးကို ပြောချင်တာက ကျွန်မတို့ စင်္ကာပူက မြန်မာတွေက ကောင်းကျိုးတစ်ခုကို လုပ်လိုက်ကြတာပါ .. ။ အားနည်းချက်လေးတွေ အများကြီးဖြစ်သွားတာတစ်ခုအတွက်ပဲ လမ်းလာလျှောက်တဲ့ သူများအားလုံး စစ်ဆေးမေးမြန်းခြင်းခံခဲ့ရတာတွေအားလုံးအတွက် ရင်ထဲကနေ ၀မ်းနည်းစွာ တောင်းပန်ပါတယ်ရှင် ။ ဒီအဖြစ်အပျက်ကနေ သင်ခန်းစာတွေရော ၊ မကျေနပ်တာတွေရော ကျွန်မရင်ထဲ အများကြီး ဖြစ်လာခဲ့ပါတယ် ။ ဒီအဖြစ်အပျက်ကနေပဲ ကျွန်မ အများကြီး စိတ်ပိုခိုင်မာသွားတာတွေက ကောင်းတဲ့ဘက်ကနေ ကြည့်ရင် တွေ့ရပါတယ် ။ အများကြီး တိုးတက်ပြီး နေလို့ကောင်းတဲံ့ ခြင်္သေ့ကျွန်းကို ကျွန်မ အားလုံးသဘောကျပါတယ်။ လူသားတစ်ယောက်ရဲ့ တရားမျှတသော လွတ်လပ်ခွင့်နဲ့ ပတ်သတ်ပြီးတော့ တစ်ခုပဲ ပိုမိုပြင်းထန်သွားတာက “ကျွန်မ ခြင်္သေ့ကျွန်းကို စိတ်အများကြီးကုန်သွားပါသည်” ။ လူသားတစ်ဦးရဲ့ လွတ်လပ်ခွင့်မဆိုထားနှင့် ၊ ဘာမဟုတ်သော သဲတစ်ပွင့်ကို သဲတစ်အိတ်လောက် လုပ်တာကို လက်တွေ့ကြုံလိုက်ရပြီ။

အဖြစ်အပျက်များရဲ့အစ

ရဲတွေက သတင်းတွေကို လိုက်နေပြီဆိုတာ ကျွန်မသိလိုက်ရတာနဲ့ တစ်ပြိုင်နက် ကျွန်မဆီ အနှေးနဲ့အမြန်ေ၇ာက်လာတော့မယ်ဆိုတာကို ကျွန်မ ရိပ်မိခဲ့ပါတယ် .. ။ ကျွန်မက ကျွန်မလုပ်ဆောင်ထားတဲ့ အပိုင်းအတွက်တော့ အမှန်နဲ့ပဲသွားဖို့ စိတ်ကို ပြင်ဆင်ခဲ့ပါတယ် .. ။ သိသိချင်းတော့ ပူထူသွားတာတော့ မငြင်းပါဘူး .. ။ အတွေ့အကြုံလည်း မရှိတော့ စကားပြောဖို့အတွက်တော့ စကားလုံးတွေ သေသေချာချာ ပြန်စီရပါသေးတယ် .. ။ မြန်မာလိုပြောရမှာမှ မဟုတ်တာ မှားလို့မရဘူးလေ။
ကျွန်မမှန်းထားတာတက် ပိုပြီး စောစွာ တန်ဂလင်းရဲဌာနချုပ်က ကျွန်မဆီ ဖုန်းဆက်ပါတယ် .. ။ သူတို့နဲ့ တွေ့ဖိုအတွက် ပထမအကြိမ် ရက်ချိန်းပြီး အဲဒီနေ့မှာ ကျွန်မ အဇမ်ဆိုတဲ့ အိုင်အိုနဲ့ စတင်စကားပြောရပါတယ်။

“လင်း မင်းအသက်ဘယ်လောက်ရှိပြီလဲ မင်းငယ်ငယ်လေးနဲ့ ဒါမျိုးတွေ လျှောက်လုပ်တာ မင်းမိဘတွေ ဘာမှမပြောဘူးလား”

“မင်းသိလား မင်းဖြန့်ဝေလိုက်တဲ့ သတင်းတစ်ခုက ငါတို့ရဲတွေ ဘယ်လောက်အလုပ်ရှုပ်သွားလဲဆိုတာ”
ဆိုတဲ့စကားတွေနဲ့ အဟောက်တော့ခံရပါတယ် .. ။





ကျွန်မစိတ်ထဲကနေ အမှန်ကို တစ်လုံးမကျန် ကျွန်မပါဝင်ခဲ့တဲ့အပိုင်းရော ၊ အကြံဥာဏ် စတင်ရခဲ့တဲ့ ကျွန်မ မိတ်ဆွေနှင့် ပြောဆိုခဲ့တာတွေရော ၊ ကျွန်မ ဖြန့်ဝေခဲ့တဲ့ သတင်းအပိုင်းကိုရော အားလုံးကို ပြောပြခဲ့ပါတယ် .. ။ ဇတ်လမ်းက ဘာတွေဆက်ဖြစ်မလဲဆိုတာ အဲဒီအချိန်က အကောင်းရော အဆိုးရော ကြိုတင်ပြင်ဆင်ထားရပါတယ် .. ။ မြန်မာပြည်မှာ ဆန္ဒပြပွဲတွေ မစတင်ခင် ရက်ပိုင်းလေးရဲ့ တစ်ရက်မှာ ကျွန်မကို ရဲက ဖုန်းဆက်ပါတယ် .. ။ ကျွန်မ အိမ်မှာရှိလားဖုန်းဆက်တော့ ကျွန်မက ရှိတယ်လို့ ဖြေလိုက်ပါတယ်။ နာရီဝက်အတွင်း ရောက်လာမယ်ပြောပါတယ် .. ။ ကျွန်မလဲ စောင့်နေခဲ့ပါတယ် .. ။ ရောက်ရောက်ချင်း

“မင်း သုံးတဲ့ ကွန်ပြူတာဘယ်မှာလဲ”

“ငါသုံးတဲ့ စက်က ဒီမှာ ။ ငါ့အိမ်မှာ စက်က တစ်လုံးပဲရှိတယ်”

ပြောပြောဆိုဆိုနဲ့ သူတို့အားလုံး ကျွန်မစက်ကို စတင်ဖြုတ်သိမ်းပါတယ် ။ ကျွန်မလဲ ရုတ်တရက်တော့ နည်းနည်းကြောင်သွားပါတယ် ။

“ငါတို့ မင်းစက်ကို စစ်ဆေးရမယ်။ မင်းဘာတွေလုပ်ထားလဲဆိုတာ”

“ပြသနာမရှိပါဘူး မင်းတို့စစ်ချင်ရင်ရပါတယ်”

သူတို့ဖြုတ်သိမ်းနေတာတွေကို ကျွန်မ ဒီအတိုင်းပဲ ရပ်ကြည့်နေပြီး အက်ဒပ်ပတာတွေပါ ယူတော့

“အဲ အဲဒါကော်နက်ရှင်အတွက် ကြိုးတွေ မင်းတို့ မလိုဘူးထင်တယ်”

ကျွန်မအပြောကို ရဲတွေက “ ကေ့စ်အတွက် စစ်ဆေးရာမှာ ရှိသမျှအရာအားလုံး ငါတို့လိုတယ်”

“အိုကေ မင်းတို့ အဲဒါတွေ ယူမယ်ဆို ငါဘာမှမပြောလိုပါဘူး။ ဒါပေမယ့် ငါ့ရဲ့ စီဒီကိုတော့ ထားခဲ့ပါ။ အဲဒါ ငါနဲ့ငါ့ချစ်သူပုံတွေချည်းပဲ သိမ်းထားတဲ့ စီဒီပါ .. ။ မင်းတို့ မယုံရင် ငါအခုဖွင့်ပြလို့ရတယ်”

“ဆောရီး လင်း အကုန်သိမ်းဖို့အတွက် ငါတို့မှာ တာဝန်ရှိပါတယ်”တဲ့ ။။





ကျွန်မ ဘာမှ မပြောလိုတော့ပါ။ လက်ပိုက်သာကြည့်နေခဲ့ရသည်။ အားလုံးသိမ်းပြီးချိန်မှာ ရဲက
“မင်းသုံးတဲ့ ဂျီမေးလ်အကောင့်နဲ့ ပါ့စ်ဝါဒ်ကို ငါတို့ကို မင်းပေးရမယ်”
ကျွန်မ ခဏတွေဝေသွားပါသည်။ စင်္ကာပူဥပဒေအကြောင်း ကျွန်မ အားလုံး နားမလည်ပါ။ ပေးရမည်လား ၊ မပေးရမှာလား ကျွန်မ ရုတ်တရက် ဘာလုပ်ရမယ်မှန်း မသိခဲ့ ။ ကျွန်မ လက်ကိုင်ဖုန်းကို ကိုင်တော့လည်း ရဲတွေက ဘယ်သူ့ကိုမှ ဖုန်းပေးမဆက်ခဲ့ ။ ကျွန်မ ကိုကို့ကို လှမ်းမေးဖို့လည်း မဖြစ်နိုင်ခဲ့။ ကျွန်မတစ်ယောက်တည်း ယောင်နနဖြင့် နောက်ဆုံးတော့
“အင်း မင်းတို့ကို ငါ့အကောင့်ပေးလို့ရပါတယ်။ ဒါပေမယ့် ရက်ပိုင်းပဲ။ မကြာခင် ငါပြန်သုံးမယ်”
လူတစ်ယောက်ပါစင်နယ်အကောင့်ကို သိမ်းခွင့်ရှိသလားတော့ ကျွန်မ မသိပါ ။ ကျွန်မ မေးလ်ကို ဖွင့်ကြည့်ရင်တော့ တစ်နေ့ကို အစောင်၆၀လောက်ဝင်နေမည့် ရာဟူးဂရုမှ မေးလ်တွေ ၊ သတင်းဌာနက သတင်းတွေ နှင့် ရှု့ပ်ယှက်ခတ်နေမှာတော့ သေချာသည်။ သူတို့ကို ကျွန်မမေးလ်ကို ၄ရက်လောက် ပေးပြီး နောက်တစ်ရက်မှာပဲ ကျွန်မ ပါ့စ်ဝဒ့်အားလုံး ပြန်ပြောင်းပစ်လိုက်သည်။ ကျွန်မသုံးသော မေးလ်ကို အခြားသူက နေ့စဉ်ဖွင့်ကြည့် အားလုံးလိုက်ဖတ် စစ်ဆေးနေတာ ကျွန်မ မကြိုက်ပါ။

နောက်ပိုင်းမှာတော့ သူတို့ဘက်က ကေ့စ်ကို ဘယ်လိုလုပ်မှာလဲ ၊ ကျွန်မတို့ဘက်ကရော ဘာတွေ ပြင်ဆင်ထားလို့ရလဲဆိုတာ ကိုကိုနဲ့တိုင်ပင်ပြီး အားလုံးကို စောင့်ကြည့်နေခဲ့ရပါတယ် .. ။ တစ်ခုပဲ ကျွန်မ ပြောချင်တာက ကျွန်မ လမ်းလျှောက်တဲ့ကိစ္စမှာ ပါဝင်ပတ်သတ်ခဲ့တာ ကျွန်မ မိဘတွေ နဲ့ ကျွန်မချစ်သူ ဘာတစ်လုံးမှ မသိခဲ့ပါဘူး။ သူတို့ကို ဘာမှမတိုင်ပင်ဘဲ ကျွန်မ ချက်ချင်းလက်ငင်း ကူညီပါဝင်ခဲ့တာပါ .. ။ သေးသေးလေးလို့ ထင်ခဲ့တာလည်း ပါပါတယ် ။ အဲဒီအတွက် ဒီကိစ္စနဲ့ပတ်သတ်ပြီး ကျေနပ်ခြင်း မကျေနပ်ခြင်းတွေ မိတ်ဆွေတို့မှာ ပြောခဲ့ချင်ရင် ကျွန်မဆီကိုပဲ တိုက်ရိုက်လာခဲ့ပါ ။ မဆိုင်တဲ့ ကျွန်မချစ်သူကို သွားပြောခြင်းတွေ ၊ ကျွန်မ မိဘကိုအကြောင်းကြားမှာတွေ မလုပ်ကြပါနဲ့ ။ မဆိုင်တဲ့သူကို ဆွဲမထည့်ဖို့ မေတ္တာရပ်ခံချင်ပါတယ်။

ဒါတွေဖြစ်ပြီးရက်ပိုင်းမှာပဲ ကျွန်မတို့ အမိမြေမှာ ကြီးမားသော ဒီဆန္ဒပြပွဲကြီး ဖြစ်ပေါ်လာပါတယ် ။ တကမ္ဘာလုံးရဲ့ စောင့်ကြည့်ခြင်း ၊ ဖိအားပေးခြင်း ၊ ပြည်သူများရဲ့ အော်ညည်းသံ ၊ နိုင်ငံတကာရဲ့ ဆွေးနွေးမှုတွေ အားလုံး ပေါင်းစည်းပြီး စင်္ကာပူအဖြစ်အပျက်က အသေးအမွှားလေးဖြစ်သွားခဲ့ပြီး ရက်တော်တော်ကြာ အဆက်ပြတ်သွားပါတယ်။ နောက်ပိုင်းမှာ Channel New Asia က ထွက်လာတဲံ သတင်းအရ စင်္ကာပူသက်ဆိုင်ရာတွေက ဒီကေ့စ်ကို ငြိမ်းချမ်းစွာ ဖြေရှင်းဖုိ့ဆိုတာတွေ ထွက်လာပါတယ်။ အဲဒီလိုမှ မရှင်းဘဲ ကျွန်မတို့ကို ရုံးတော်မှာ တရားစွဲမယ်ဆိုရင် လူရီစရာ ဖြစ်တော့မှာမို့လို့ပါ ။ ကျွန်မတို့ကို ချစ်လွန်းလို့ မဟုတ်ပါဘူး။
နောက်ထပ် Officer တွေနဲ့ ကျွန်မတွေ့ခဲ့ရပုံနှင့် နောက်ပိုင်းအဖြစ်အပျက်များကို ဆက်လက်ဖော်ပြပါမည်။



Read More...

Friday, September 28, 2007

သွေးမြေမကျစေချင်ပါ



မြန်မာပြည်ရှိအခြေအနေတွေအားလုံး ရုတ်တရက် မထင်မှတ်ဘဲ ပေါက်ကွဲမှုတွေ ဖြစ်သွားချိန်မှာ ကျွန်မကလည်း ကံဆိုးစွာ စင်္ကာပူရှိရဲတွေက ကျွန်မအိမ်ကို လာပြီး ကျွန်မသုံးတဲ့ ကွန်ပြူတာ ၊ ကော်နက်ရှင်ကြိုးတွေ ၊ စီဒီတွေကအစ အားလုံးကို လာသိမ်းသွားပါတယ် .. ။ ဘာလို့သိမ်းသွားလဲဆိုတော့ စင်္ကာပူမှာ လမ်းလျှောက်ပွဲလုပ်တာ ကျွန်မက သတင်းဖြန့်ဝေသူဖြစ်နေလို့ပါပဲ . .. ။ အခုထိ ကျွန်မ ကွန်ပြူတာကို လာမပေးသေးတဲ့အတွက် ကျွန်မ ရေးချင်တာ မရေးရ ၊ ဖတ်ချင်တာ စိတ်ကြိုက် မဖတ်ရနဲ့ တနုံ့နုံ့ဖြစ်နေရတာပါ .. ။ နိုင်ရာလေးတွေ လုပ်ပေးရင်း ရသလိုတော့ ကြိုးစားရေးနေဆဲပါပဲ .. ။

သွေးစွန်းနေတဲ့ ဒီပုံတွေ ၊ သတင်းတွေ ဖတ်ရင်း ရင်ထဲမှာ ဒေါသ တနုံ့နုံ့ဖြစ်လွန်းလို့ ဘာစာမှ ရေးမထွက်တော့ပါဘူး … ။

နောက်မဆုတ်သေးတဲ့ အာဏာရှင်နဲ့ လက်ပါးစေတွေအားလုံးက ၈၈အရေးအခင်းလိုတော့ အာလူး လုပ်လို့ မရတော့တာတော့ အမှန်ပါပဲ .. ။

ဂျပန်တစ်ဦးသေသွားတဲ့အတွက်တော့ ဂျပန်က မြန်မာပြည်ကို ပိုပြီး ဖိအားပေး ၊ ထိရောက်စွာ ဆောင်ရွက်ပေးနိုင်ဖို့တော့ အဆိုးထဲက အကောင်းအဖြစ် မျှော်လင့်မိပါတယ် .. ။

စစ်တပ်နဲ့ပြည်သူ

အတူတူလက်တွဲလို့

လမ်းမှန်သစ်ပန်းတိုင်ဆီ

ချီတက်ကြပါစို့ … ။

Read More...

ဆုတောင်းပွဲ


စင်္ကာပူရောက်မြန်မာများသို့

စင်္ကာပူရောက်မြန်မာများ တိုပါရိုးဘုန်းကြီးကျောင်းမှာ မြန်မာပြည်ရှိ ရဟန်းရှင်ပြည်သူအပေါင်းအတွက် ဆုတောင်းပွဲကို လာရောက်ကြဖို့ ဖိတ်ခေါ်ပါတယ် ။

ဒီနေ့ (သောကြာနေ့) ညနေ ၇နာရီမှာ ပြုလုပ်မှာပါ .. ။ မနက်ဖြန် စနေနေ့ကတော့ ညနေ ၆နာရီမှာ စတင်မှာပါ .. ။

လင်းလက်က စနေဆုတောင်းပွဲကို တက်ရောက်ဖြစ်မှာပါ . ။

နိုင်ရာလေးတစ်ခုအဖြစ် အားလုံးတက်ရောက်ကြဖို့ ဖိတ်ခေါ်ပါတယ် .. ။

မြန်မာပြည်ရှိသူများသို့

ကိုနစ်နေမန်းနဲ့ ဆုံဆည်းရာဘလော့ခ်ကို နအဖလူတွေက ဘန်းလိုက်ကြတာ ဒေါသဖြစ်မိပါတယ်.. ။ သူတို့ဘက်က ဘန်းရင် ကိုယ့်ဘက်က ကျော်ဝင်ရမယ် .. ။ အဲဒီအတွက် သက်ဆိုင်ရာလင့်ခ်တွေက

http://proxyhide.net
http://proxify.co.uk
http://proxygun.net
http://myfreeproxy.com


http://workstudyplay.com
http://proxydrop.biz
http://proxyweb.net
http://freeproxy.ca
http://cleverproxy.com
http://proxyrat.com
http://urlgateway.com
http://3proxy.org
http://tntproxy.com
http://3proxy.com
http://proxify.org
http://getmepast.com
http://fullysickproxy.com
http://proxify.de
http://tekistan.com
http://vpntunnel.net
http://public-proxy.com
http://browserproxy.com
http://atunnel.com
http://hidemyass.com
http://netsack.net
http://proxy10.info
http://yourfreeproxy.com
http://unblockmyspace.com
http://vcamo.com
http://proxy6.info
http://72.232.94.93/perl/nph-proxy.pl

Read More...

Wednesday, September 26, 2007

အနုပညာရှင်များသို့




အနုပညာရှင်များသို့

အောင်ဝေး



မမေ့နဲ
၈ လေးလုံး ကို မမေ့နဲ


မမေ့နဲ
အမှန်တရားကို မမေ့နဲ့ ။


မမေ့နဲ
၉၀ ရွေးကောက်ပွဲကို မမေ့နဲ့ ။


မမေ့နဲ
ဒီပဲယင်းကို မမေ့နဲ


မမေ့နဲ
တရားမျှတမှုနှင့် လွတ်လပ်ရေးကို မမေ့နဲ့ ။


မမေ့နဲ
အကြမ်းမဖက်ရေးကို မမေ့နဲ့။


မမေ့နဲ
ပခုက္ကူကို မမေ့နဲ


မမေ့နဲ
ငြိမ်းချမ်းစွာ ဆန္ဒဖော်ထုတ်ဖို့ကို မမေ့နဲ့။


မမေ့နဲ
ဗိုလ်အောင်ကေ
ာ်ကို မမေ့နဲ


မမေ့နဲ
ဗိုလ်ကြီးအုန်းကျော်မြင့်ကို မမေ့နဲ့။


မမေ့နဲ
မမေ့နဲ

ဆရာတော် ဦး ဥတ္တမ ကို မမေ့နဲ

ဒေ
အောင်ဆန်းစုကြည်ကို မမေ့နဲ
မင်းကိုနိုင်ကို မမေ့နဲ


မမေ့နဲ
မမေ့နဲ

မမေ့နဲ

အကြမ်းဖက်ဝ
ဒကို ဆန်ကင်ဖို မမေ့နဲ

မမေ့နဲ
မေတ္တာတရားရှေ့ထားဖို့ မမေ့နဲ့


မမေ့နဲ
အဓမ္မ၀ါဒီတွေကို တိုက်ဖ
က်ဖို မမေ့နဲ


မမေ့နဲ
ဓမ္မ လက်ကိုင်ထားဖို
မမေ့နဲ


မမေ့နဲ
မမေ့နဲ

အစိုးရရဲ
နှိပ်စက်ညှဉ်းပန်းမှုတွေကို မမေ့နဲ့။


မမေ့နဲ
မမေ့နဲ

အပြီးသတ် အောင်ပွဲကို မမေ့နဲ


မမေ့နဲ
မမေ့နဲ

တိုဟာ
သံဃာတွေကိုကြည်ညို
ကေ
ာင်းသားတွေကို လေးစား
ပြည်သူတွေကို အရေးထားတဲ့
အနုပညာရှင်တွေပဲဆိုတာ
ဘယ်တော့မှ မမေ့နဲ့။

Read More...

September 26 In Yangon


အသက်ကိုပေး ၊ ရဲရဲဝံ့ဝံ့နဲ့ အခုလိုမျိုး ဆောင်ရွက်နေတဲ့ ရဟန်းသာံတော်များကို အကြိမ်ပေါင်းများစွာ မေတ္တာပို့ပေးရင်း ရှိခိုးဦးခိုက်လျက်ပါ။


လူမဆန်တဲ့သူတွေက ဒီလိုမျိုး စောင့်ကြိုနေတာကို အားလုံး တွန်းလှန်ကြပါစို့ ။



ဘုရားရေ ကမ္ဘာတစ်သိန်းတိုင်အောင် ငရဲအိုးမှာ ဇောက်ထိုးကပ်ကြမယ့်လူများမို့ မကြောက်မရွံ့ သာံတော်တွေက လက်အုပ်ချီတာကို ခံယူနေကြတယ် ။




အကြမ်းဖက်နှိမ်နင်းဖို့ ကြိုးစားလေ ကမ္ဘာက လူအားလုံးက ပြည်သူတွေဘက် ရပ်တည်လို့ အာဏာရှင်တွေ ပြုတ်ကျဖို့ ပိုနီးလေပါပဲ။

Read More...

Tuesday, September 25, 2007

လက်လှမ်းမှီရာကူညီပါ



မြန်မာပြည်သူလူထုအပေါင်းမျှော်လင့်ထားတဲ့ ပန်းတိုင်ခရီးလမ်းပေါ်ကို အခုအချိန်မှာ ခြေလှမ်းတွေ စရောက်နေပြီဖြစ်တဲ့အတွက် အားလုံးတတ်နိုင်တဲ့ဘက်က ပါဝင်ပေးကြဖို့ နှိုးဆော်ချင်ပါတယ်ရှင်။

ပြည်ပရောက်မြန်မာများက အလှူငွေထည့်ဝင်ခြင်းဖြင့် ကူညီနိုင်ကြသလို ပြည်တွင်းရှိ မြန်မာများကတော့ ကိုယ်တိုင်ပါဝင်အားပေးခြင်းဖြင့် ကျွန်မတို့ပြည်သူလူထုအားလုံးလက်တွဲပြီး ပန်းတိုင်ကို လျှောက်လှမ်းကြရပါ့မယ်။

စင်္ကာပူရောက်မြန်မာများ ပန်နီဆူးလားပလာဇာရှိ လမ်းပြကြယ်စာကြည့်တိုက်မှာ အလှူငွေထည့်ဝင်နိုင်ပါတယ် .. ။ လမ်းပြကြယ်စာကြည့်တိုက်က ဗုဒ္ဓဟူးနေ့ညနေ ၊ စနေနှင့် တနင်္ဂနွေတွေမှာ ဖွင့်ပါတယ် .. ။

တိုက်တိုက်ဆိုင်ဆိုင် အရေးတော်ပုံထဖြစ်တဲ့အချိန်မှ ပြဿနာတက်ပြီး အကျယ်ချူပ်နီးပါး ဖြစ်နေတဲ့ ကိုယ့်ဘ၀ကိုယ် ဒေါသဖြစ်ပြီး ကျွန်မတော့ ညတိုင်းမေတ္တာပို့ပြီး ဆုတောင်းပေးနေလျက်ပါ.. ။

ဒီမိုကရေစီပန်းတိုင်ဆီ အမြန်ဆုံးရောက်ရမည်။

Read More...

Thursday, September 20, 2007

I'm Sorry

™ Cuteberries.com - Cartoon Dolls, Cute Disney Graphics, Saniro Graphics, Myspace Pictures, Myspace Codes, Myspace Layouts, Myspace goodies, Myspace stuff and more ! ™

မင်္ဂလာပါရှင် ကျွန်မဘလော့ခ်ကို အလည်လာရောက်သူများနှင့် အမြဲအားပေးသူများ

ကျွန်မ အခုရက်ပိုင်း အွန်လိုင်းတက်ဖို့ သိပ်အဆင်မပြေဘူး ဖြစ်နေတဲ့အတွက် ဘာပို့စ်မှ မတင်ဖြစ်ခဲ့ပါဘူး။ အဲဒီအတွက် အားလုံးကို တောင်းပန်ပါတယ်ရှင် .. ။ အွန်လိုင်း၇ယ် ၊ ကွန်ပြူတာရယ်နဲ့ ခဏတာ ဝေးကွာသွားမှာဖြစ်တဲ့အတွက်ပါ. ။ အရှိန်အဟုန်မြင့်တက်လာတဲ့ မြန်မာပြည်အခြေအနေတွေ အားလုံးကို ကျွန်မ စဉ်ဆက်မပြတ်တော့ ကြားသိရပါတယ် .. ။ ဒီလိုအချိန်မျိုးမှာ ကျွန်မခံစားမှုတွေ ၊ မြင်ရာတွေ ရေးချင်တာမှ စိတ်က ဖျက်ဖျက်လူးနေတာပေါ့ .. ။ ဒါပေမယ့် ရေးလို့မရတဲ့ အချိန်ဆိုတော့ ခဏ သည်းခံထားရပါတယ် .. ။ မကြာမီအဆင်ပြေတဲ့အချိန်မှ ကျွန်မ ပြန်လာဖြစ်ပါ့မယ် .. ။ မဝေးတဲ့ရက်ပိုင်းမှ အားလုံးကို ကျွန်မရဲ့အတွေ့အကြုံအချို့ဖလှယ်ပြီး ပုံမှန်အတိုင်းပြန်လာခဲ့ပါ့မယ် .. ။

လေးစားလျက်

လင်းလက်ကြယ်စင်

Read More...

Wednesday, September 12, 2007

အကြောင်းနဲ့အကျိုး




အကြောင်းနဲ့အကျိုး


၁၉၆၂ နဲ့ ၁၉၈၈

ဗမာပြည်ကြီးကို မုဒိမ်းကျင့်ခံရတဲ့အဖြစ်

စစ်အာဏာရှင်အမျိုးယုတ်တွေ ဇတ်တူသားစားပြီး

သိမ်းပိုက်လုယူခဲ့တဲ့နှစ်။


စစ်အာဏာရှင်တွေ အုပ်ချုပ်

ဗမာနိုင်ငံတော်ကြီးလည်း စုတ်သထက်စုတ်

စစ်အာဏာရှင်စနစ်ရဲ့သက်သေ

ပြည်သူလူထုကြီးကဆင်းရဲမွဲတေ

စစ်အာဏာရှင်စနစ် သက်ဆိုးရှည်

ဗမာနိုင်ငံတော်ရဲ့ အနာဂတ်ပိုမဲ့လေ။


စစ်အာဏာရှင်တွေ အကြောက်ဆုံးလူသည်

လူထုအမျိုးသားခေါင်းဆောင် ဒေါ်အောင်ဆန်းစုကြည်

စစ်အာဏာရှင်ပေးမယ်ပြောတဲ့ ဒီမိုကရေစီ

ပြည်သူလူထုကြီးက အကြွင်းမဲ့ မယုံကြည်

စစ်အာဏာရှင်ရဲ့ အမျိုးသားညီလာခံ

သြဇာခံအလိုတော်ရိ ဒေါက်တိုင်များကသာလက်ခံ

စစ်အာဏာရှင်စနစ် ခိုင်မြဲနေသရွေ့တော့

ဗမာပြည်တစ်ပြည်လုံး အမှောင်ဖုံးနေဦးမပေါ့ ။


ကိုသော် ( PRMG )

Read More...

ဟင်္သာမြေအလွမ်း





ဟင်္သာမြေအလွမ်း


ဟိုးခပ်ဝေးဝေးက

ဖုန်ထူနေတဲ့ခရေပင်လမ်းရယ်

ရေအိုးစဉ်အပြည့်နဲ့

ညောင်ညိုပင်လမ်းလေးရယ်

ပြေးလွှားကစားခဲ့ဖူးတဲ့

ရွှေမော်ဓေါဘုရားစောင်းတန်းရယ်

မြင်တိုင်းစိတ်ချမ်းမြေ့ရတဲ့

ဟင်္သာကုန်းဘုရားရယ်

အပြုံးတွေပွင့်ဝေနေတဲ့

ရိုးသားတဲ့မြို့သူမြို့သားတွေရယ်

အရာအားလုံးကို

(ငါ) သိပ်လွမ်းနေမိပါတယ် .. ။


ဘယ်အချိန်မှလည်း

စဉ်းစားစိတ်ကူးလိုက်တိုင်း

ပြန်ရလာတဲ့သက်ပြင်းများ

အဖြေမဲ့စကားလုံးများနဲ့

မဆုံးနိုင်သေးတဲ့အလွမ်းများသာ

ရင်မှာပြည့်ကျပ်နေခဲ့တယ် .. ။


ဆိုးရွားလှတဲ့

ဒီကံကြမ္မာတွေအားလုံးကြောင့်

မျက်ရည်စတွေကြိုးစားသုတ်

အားလုံးကိုခွဲခဲ့ရပေမယ့်

အလွမ်းတွေဝေနေတဲ့နှလုံးသားနဲ့

မဝေးတဲ့တစ်နေ့

အေးမြသော ဟင်္သာမြေကို

ငါအရောက်ပြန်လာခဲ့မယ် … ။


လင်းလက်ကြယ်စင်

Read More...