Sunday, August 19, 2007

ပြန်လာပါပြီရှင်

™ Cuteberries.com - Cartoon Dolls, Cute Disney Graphics, Saniro Graphics, Myspace Pictures, Myspace Codes, Myspace Layouts, Myspace goodies, Myspace stuff and more ! ™

အားလုံး တစ်ဖန်ပြန်လည် မင်္ဂလာပါရှင် .. ။ ကျွန်မ နေမကောင်းဖြစ်စဉ် ဆုတောင်းပေးကြသော ၊ အလည်လာရောက်ကြသော မိတ်ဆွေများအားလုံးကို အထူးကျေးဇူးတင်ရှိမိပါတယ် .. ။ မြန်မာဘလော့ခ်တွေလည်း မမှတ်မိတော့အောင် များလာလို့ သွားရင်း မိုးတောင်လင်းပါတော့မယ် .. ။ လက်လှမ်းမှီသလောက်တော့ အချိန်ရသလောက် လျှောက်ဖတ်ဖြစ်တာမို့ အချို့မောင်နှမ မိတ်ဆွေဘလောခ့်တွေ တော်တော်နဲ့ မရောက်ဖြစ်ခဲ့ရင် နားလည်ပေးဖို့ အနူးအညွတ်တောင်းဆိုချင်ပါတယ်ရှင် .. ။

ကျွန်မအတွက် ဒီဘလော့ခ်လေးက တန်ဖိုးမဖြတ်နိုင်တဲ့ ကျွန်မရဲ့ ခံစားမှုမှတ်တမ်းရတနာလေး တစ်ခုပါ .. ။ တကယ်တော့ နိုင်ငံရေးဆိုတာကို ကော်ဖီတစ်ခွက်သောက်သလောက် ကျွန်မ နားမလည်ပါဘူး။ ဖြစ်ပျက်နေတဲ့ အခြေအနေတွေပေါ်မှာ သာမန်ပြည်သူထဲက ပြည်သူတစ်ယောက်အနေနဲ့ ရင်ထဲမှာရှိတဲ့ ခံစားချက်တွေကို ဖွင့်ဟနေခြင်း ၊ အတွေးအမြင်များကို လွတ်လပ်စွာ ဖော်ကျူးနေခြင်းသာ ဖြစ်ပါတယ် ။

စစ်အစိုးရရဲ့ လက်ပါးစေတွေနှင့်အပြိုင် စကားလုံးတွေနဲ့ မပစ်ပေါက်ချင်ပါဘူး ။ တရုပ်နိုင်ငံ ၊ အမေရိကန် နိုင်ငံ ကောင်းကျိုး ဆိုးကျိုးတွေကိုလဲ အပြိုင်မပြောချင်ပါဘူး .. ။ နိုင်ငံရေးသမားတွေရဲ့ အားနည်းချက် ၊ ပျော့ကွက်တွေကို လက်ညိုးငေါက်ငေါက်ထိုးလာချိန်မှာ စစ်အစိုးရရဲ့ဘေးမှာ ကပ်ဖားယက်ဖားလုပ်နေတာတွေကိုလဲ ပြန်မထောက်ချင်ပါဘူး .. ။ အာဏာရှင်ရဲ့ လက်အောက်ငယ်သားတွေ ပြိုင်ဖက်ကင်းအောင် မိုက်ရိုင်းနေချိန်မှာ ဘယ်သူမှားတယ် မှန်တယ် ပြိုင်မကိုက်ချင်ပါဘူး .. ။ သာမန်ပြည်သူတစ်ယောက်ဖြစ်တဲ့ ကျွန်မက ဒါတွေထက် ပုံမှန်လာမယ့် လျှပ်စစ်မီး ၊ ပုံမှန်အချိန်မှန်ရရှိမယ့် ရေ ၊ အဆင့်မှီ ပညာရေး ၊ ပြည်သူတွေရဲ့ စီးပွားရေးတိုးတက်ခြင်း ၊ လွတ်လပ်စွာ ပြောဆိုဝေဖန်ခွင့် ၊ လွတ်လပ်သော အနုပညာ ၊ တရားမျှတသော ဥပဒေ အစရှိတာတွေကိုပဲ အလိုရှိပါတယ်ရှင် .. ။

4 comments:

ခင်မင်းဇော် said...

လင်းလက်ရေ
သမီးရဲ့ အမြင်တွေ ရိုးသားသန့်ရှင်းတယ်။
တိုင်းပြည်ကို တကယ်တိုးတက်စေချင်တယ်။
ကိုယ့်ပြည်သူတွေကို တကယ်အဆင့်အတန်းမြင့်မားစေချင်တယ်။
တကယ်ချစ်တယ်ဆိုတာကို အန်တီတို့က လေးစားနေလျှက်ပါ။
သမီးလျှောက်နေတဲ့ အမှန်တရားလမ်းပေါ်မှာ တွေ့လာရမယ့်အခက်အခဲတွေကို စစ်မှန်တဲ့ မိတ်ဆွေတွေက ကူညီအားပေးသွားမှာပါ။
စေတနာမှန်ရင် အကျိုးပေးမှာပါ။

hninhnin said...

မမလင်းလက်ရေ... အမြဲ အားပေးနေတယ်နော်။

Mg Yin said...

Welcome back!
ဒီပို့ (စ) က ကာတွန်းကောင်မလေးပုံလေးကမြင်ဖူးသလိုထင်မိတာ ညီမလင်းလက်ရဲ့ အပေါ်ကဘန်နာ က ဓာတ်ပုံနဲ့ အတော်ဆင်တာကိုး…
အားလုံးအဆင်ပြေပါစေခင်ဗျား….

Tide said...

တော်လှန်ရေးဆိုတာကတော့ ကော်ဖီသောက်သလိုတော့ ဘယ်လွယ်ကူပါ့မလည်း ညီမရယ်၊ အများ”ကီး အရင်းအနှီး ”ကီးတာပေါ့

Post a Comment

အကြံပြု comment ၀င်ရေးပေးတဲ့အတွက် လှိုက်လှဲစွာ ကျေးဇူးတင်ရှိပါတယ်ရှင် ။ မဖွယ်မရာ စကားများ ၊ ဆဲဆိုခြင်းများ ၊ ပေါကြောင်ကြောင်စကားများ ၊ တစ်စုံတစ်ဦး၏ ကိုယ်ကျင့်တရားသိက္ခာကို ထိခိုက်စေသော စကားများ ဖြစ်ပါက ထို comment များကို လက်ခံမည်မဟုတ်ကြောင်း လေးစားစွာ အသိပေးအပ်ပါတယ်ရှင် ။ အလည်လာရောက် အကြံပြုရေးသားခြင်းများအတွက် ကျေးဇူးတင်ပါတယ် ။ စာများ ရှင်းလင်းစွာ မြင်ရဖို့အတွက် Space များ ထည့်ရိုက်ပေးကြပါရှင်။